اللي تبي تغلط لا تدخل أبي كلام العقل .

صاحبتي مطلقة تقول لي ...
{{تقول لي عمري 31 ومطلقة ...وكانت تتواصل مع خطابات بموقع تواصل وفجأة دخل عليها واحد من قبيلتها ومن نفس منطقتها يطلب الزواج عمره 38 متزوج وعنده 3 طبعا ذكر لها سبب رغبته بزواج منها
وقالت أنت متزوج طبعا أخذ واعطى معها (لان أمها متزوج متزوج وشايفه العيشه مع الطباين ).
المهم هي مقتنعه أنها مستحيل تقبل متزوج خاصه ان طليقها يوم طلقها قال مايخذك غير المتزوج ولا البنات ملي البيوت وهي من تطلقت ماخطبها غير واحد متزوج .
المهم هو يقنعها بمبدأ أن الرجال وخلقه ودينه وأهدافه من الزواج هو المعيار اللي تختاره عليه مو عازب او متزوج لانها تزوجت عازب وش النتيجه .
المهم قالت الرجال تقريبا أقنعني في المبدأ وخاصه أنه قال لها سبب بحثه عن غيرها مع اقامه العدل بينهم ومايظلم أحد . تقول وش يضمني أنك صادق قال اعطيني عنوان أبوك واعطته والرجال تعرف ع أبوها وأخوانها ...الخ وطلع أبوها يعرف عمه المهم أقام علاقه جميله مع الرجال .
طبعاقال لها الزواج في الصيفيه 2015
وذكر انه لجأ لهذي المواقع لان أمه ماتبي تسعى بزواجه لانها بنت أخوها لكن اذا يبي يتزوج كيفه وهو يقول انا ماابي الحرام ومستحيل اقول اسباب زواجي لامي مهما كان هذي خصوصيه وزوجتي مرات تقول تزوج وطلقني ومرات تقول تزوج وجيبها عندي في البيت ومرات ...ومرات ...لكن ع كلامه هو مصر أنه يتزوج .
المهم صاحبتنا قالت المده طويله لانك تبي تتزوج وتملك أخر السنه وأنا يمكن يتقدم لي المطلق . قال لها أنا ماراح اربطك متى ماتقدم لك شخص الله يوفقك لكن اعطيني خبر .
المهم صحبتنا طول هذي السنه تستخير وتستشير في الزواج من متزوج لكن هي متقبله هذا الشخص لعقله ورزانته اللي افتقدتها بطليقها اللي ع اتفه شي راح طلق ! المهم تقول لي كنت حاطه عيني ع 3 مطلقين بجماعتي تقول كنت متوقعه احد يتقدم لي وهذا الشخص أخرته وخلال هذي السنه 3 كلهم ملكوا ع بنات وهي ماتقدم لها أحد لدرجة أبوها دايم يلمح لها ان المتزوج فرصه للي ماعندها خيرات !والوحده تلحق عمرها تخلف ولد . وللاسف حتى أمهانفس الشي .
المهم صحبتنا تقول مع نهايه السنه ارسل لها وقال لها هل تزوجتي او تقدم لك الافضل . وتقول ماحبيت اقول لا قلت يتقدم لكن غير مناسب قال لها
أنا عند وعدي لكن طرأ شي جديد ولازم أعطيك خبر فيه زوجته حامل وراح تولد بأخر السنه وصعب ولاهو من أخلاقي اني أكفئها بهذا الخبر بهذي الظروف قالت كيفك حتى لو تبي تتراجع أنت متزوج باالاخير وقال انا عند رغبتي بزواج حتى لو انتي رفضتيني بخطب غيرك لكن الظروف تغيرت .
المهم صاحبتنا تقول حبيته ورتحت له وعنده الحساب اللي يبحث فيه عن عروس وضايف خطبات وعنده حساب اللي الكل يتابعه عليه وتقول تعلقت فيه وجده رجل ناضج واعجبني ماتكلم بزوجته ولا يقبل ان احد يتكلم فيني في المستقبل طلب يشوف شي منها لانه يخاف ماتعجبه قالت تشوفني بمجلس أبوي اذا خطبت وصارت النظرة وافق .في الوقت اللي الشباب المطلقين اذا تواصلوا معها طلبوا صورتها واذا قالت النظرة وهم أختفوا . اوتفكيرهم سيئ.
وتقول مولاقيه أفضل منه وتقول هذا مرتاحه له وابيه لكن متزوج وأنا ماابي احد يشمت فيني اني أخذت متزوج . مع انه فيه أيجابيات.
المهم الان تقول زوجته نافس ومرت أكثر من سنه والان حدد معها شهر 3 للخطبه وقال فيه عنده مشروع شاليهات هو وشريك له وممكن الزواج أخر سنه لانه يدعمه باالاتزامات المادية مثل الزواج وشهر العسل ورضاوة زوجته اللي راح تطلبها ومايقدر يتزوج الان لانه بيكون بورطه ماديته ماتساعد والمشروع بيساعده وأن عنصر الماده مهم حتى يتم كل شي مثل ماهو مخطط .
طبعا شرطه هل تتحملين أبناءي تحت أي ظرف .
المهم الخطبه بشهر 3 في الاجازه .
المهم طول السنه وأكثر وهي تستخير وتطلب اذا فيه خير يسره لها واذا شر يكفيه عنها وبنفس الوقت جالسه تسعى لرجل مطلق او ارمل لو عندها كوشه عيال . وتدفع للخطابات لكن مافيه اي رد وعن طريق أهلها مافيه غير المتزوجين المتقاعدين .غير اللي يعرض طلاق زوجته .
وهذا أيجابياته :
1_وظيفته ممتازه ورجال مسؤول (وهي تحتاج علاج لانها ماخلفت من السابقه ).
2_مستعد يوفرها السكن والعيشه الافضل من السابق بعيد عن زوجته .
3_مومن جماعتها وزوجته مو من جماعتها عكس المتزوجين اللي متقدمين لها .
4_أكبر منها 7 س عكس اللي متقدمين لها كلهم فوق 50 .أيضا جامعي مثلها .
5_تقول أفضل من طليقها مليون ألف مره اللهم أنه متزوج هذا عيبه .
سلبياته .
1_متزوج
2_أمه ماراح تسعى بخطبه وتاخذ وضع المحايد .
.............................................
الان أبي نصيحه أقدمها لها .. لاني مدري وش أقول لها ؟!
قلت لها وش رأي أبوك فيه تقول يمدح ويعزمه ع مناسبتنا .
قلت لها طريقة التعارف تخوف . تقول انا اتواصل مع الخطابات واللي طالبين الزواج من منطقتنا فهذا مايختلف الا انه متزوج . وتقول هذا اصدق من المطلقين اللي يطلب صور او انه يماطل تقول ذا صادق وتعرف .


بدون سب وقدح بنت الناس أبي نصيحه اقدمها لها لانها خايفه من تكرار تجربه الزواج وأنه متزوج !