omabdulelah :

السلام عليكم ورحمة الله وبركاته أشرب على الريق ماي دافئ واعصر عليه ليمون وحاطه ليمونه مقطعة قطع صغيرة بعلبه بالثلاجه وكل ماعطشت اخذت قطعة صغيرة واعصرها على الماي بسرعة ماتعب وأشرب وبعد المغرب لي 3 ايام اشرب كوب مغلي الزنجبيل وليمون وزعفران النتيجة لاحظت جسمي كل يومين اذا وزنت ينحف ونازله شوي مع الرياضة >>> مالي رياضة محددة حقت الخصر وشد الصدر والبطن وحاليا راضية على الوزن بس ابي شد شوي ومستمرة ولي فترة محافظة على تمرين شفط البطن والحمدلله النتائج مرضية ومستمرة ولشعري استخدم كل يوم بخاخ السدر وسبق اني ذكرته بموضوع مستقل واضفت هالمرة عليه نوى تمر خليته ينقع ويا السدر وبعدين صفيته ماله ريحة وحلو للشعر ويكثر وصحي لاني حاليا قاصة شعري قصير مرة تسرعت بالقصة وصبغته بني فاتح وللشفايف لي 3يومين كل صبح اذا جيت اسوي فطور العيال للمدارس احط على شفايفي شوي زيت لوز حلو ونشاء وبعد ساعة افركها بملح يواغسلها واخذت هذي الطريقة من بنات عالم حواء والنتيجة كانت حلوة بدت الشفايف تفتح واحط عليها زبدة الكاكاو بالمترز وقبل انام ارطبها بعد بزبدة الكاكاو وللجسم اسوي حمام الزنجبيل الحار لي عشرين يوم تقريبا ومستمرة يعني اسويه بالاسبوع مرتين شد جسمي وفتح اللون وخفت الخطوط البيضاء وطريقته افتح الماي الحار واخليه يعبي البانيو واذا الماي الحار خلص بينزل البارد ( يعني يعتدل الماي ويميل الى الحرارة )اهم شئ الحرارة اقدر اتحملها لاني لقيت هالطريقة اسرع في تذويب الدهون المترهلة والسلولايت واحط بالماي بالمغطس زنجبيل مطحون وملح خشن وشوي خل تفاح واقعد نص ساعة واحط قدامي ساعة عشان احسب الوقت وفي هذي الاثناء وانا بالبانيو اكون حاطة على وجهي قناع مثل ليمون وعسل وزبادي ونشاء وعلى شعري زيت او اي ماسك ( ماننسى نشرب ماي قبل لا ندخل البانيو لانه بتعرقين حييل حتى وجهي وشعري يعرق من من حرارة الزنجبيل ) بعدين اغسل جسمي واستخدم الخلطة الصابونية ( انا اخذ شوي من الخلطة الصابونية واحط عليها الحنا البيضا وشوفان مطحون وزيت لوز مر وسنفرة كاب ) وادلك جسمي فيها وبعدين اغسلها وافرك بالليفة المغربية تطلع بلاوي مااخلي مكان الا وافرك بجسمي و رجولي احكها زين بالحجر من تحت وفوق الين تنعم واكمل الترويش كامل اغسل شعري بالشامبو ووجهي بصابونة بالبابايا واطلع عاد ارطب جسمي ببيبي اويل ولوشن جيلوسيد بالمسك واحط عطر وادهن رجلي بالفازلين والبس شرابات شفافة بلون الجلد مااحب الاسود بالبيت وقبل النوم احط على يديني جيلوسيد مخلوط بالليمون ( مسويته بعلبه لليدين ) يعطي نعومة وخصوصا اعوض الخشونة من غسيل الملابس والمواعين طولت عليكم بس نبي تشجيع ونستمر يارب مانمل لان كل ماجاني خمول اتذكر اني مشاركة وياكم وأتحمس عشان اخبركم بالنتائج ويارب تعطينا العافية والصحة اللي هي اهم شئ وترضى عنا بالدنيا والاخرة

السلام عليكم ورحمة الله وبركاته أشرب على الريق ماي دافئ واعصر عليه ليمون وحاطه ليمونه مقطعة...

بنت نعسانه :

معاكم :( انا كل يوم اول ما اصحى الصباح اغسل وجهي بموية ورد ( بارده ) وبعدها ابدأ بالسدر مع ماء الورد والزبادي اخلطهم واحطهم على بشرتي لحد مايجف واغسله وبعدها كمان ارش وجهي بموية ورد واستخدم خلطه طحين مع عسل طبيعي وموية ورد وقطرات ليمون واحطها بوجهي قبل النوم تجدد البشره وحلوه مره .. احط بجسمي جليوسيد مع ليمون واضفت معه ماء الورد واحطهم على جسمي ولاحظت تغير بشكل محلوظ لاني مداومه عليها ولما اخلص من الجليوسيد والليمون اتروش وابدأ احط على جسمي سدر + ماء ورد + زبادي + ليمون + عسل طبيعي واخليه لما يجف اغسله طبعاً قبل ما احط هالخلطه استخدم كريم تقشير للجسم بالمشمش وبعدها احط الخلطه .. ومن بعدها اغسله .. واحط كريم ترطيب على جسمي بالكامل .. واعطر جسمي بمعطر خاص للجسم .. شعري استخدم زيت جدايل من عبد الصمد القرشي .. ولاحظت شعري طول لان قبل بطيء نموهـ .. المهم اخليه ساعتين واغطيه ومن بعدها اغسله بشامبو وحمام زيت مرطب غني بفتامين E .. اما رجليني وانتم بكرامه اجيب زيت الزيتون وشامبو الاطفال وصابونه مبشوره واجيب حجر خاص بالقدم وافرك رجلي لين ما احس انها صارت نظيفه وبعدها احط كريم زبدة الكاكاوو يديني احط فيها كريم اسمه 21 ويجي منه انواع لونه برتقالي طبعاً شفايفي احط عليهم كل يوم مرطب وبعدها اقشرهم بفرشاة الاسنان وارجع احط عليهم ترطيب اظافري انظفهم كل يوم بمحلول خاص لتنظيف الاظافر وبإداه خاصه انظفهم .. حواجبي حلوين ماعليهم كلام جسمي حلو ورشيقه وزني 45 ماحس ان يحتاج انزل وزني عيني امسحها بموية ورد بارده وانام كويس ما احس في اثر للسواد ابد الاكواع والركب احط عليهم جوليسد وليمون وموية ورد وفكس ( الخلطه انا اضفت لها فكس ) ولكن نادر استخدمها مع الفكس لان زوجي مايحب ريحته واحيان ماستخدمه الا اذا كان مسافر او برا البيت واشرب مويه كثير وعصيرات طبيعيه وعصير طماطم من يوم حملت ونزل الجنين كنت منتظمه عليه وااحس بصحه وحيويه اكل تفاح وفواكه وتراها مفيده كثير استخدم للاماكن الحساسه كمان جيولسيد مع ليمون وملاحظه نعومه وتفتيح كان فيني حبوب ولاحظت انها الحين خفت وبدت تروح لاني ما استخدم كريمات تبييض ولا شي من هالخرابيط قررت استخدم كل شي طبيعي واهتم بتنظيف بشرتي كل يوم واقشرها بكريم خاص وبس واذا سويت شي جديد اعلمكم ..

معاكم :( انا كل يوم اول ما اصحى الصباح اغسل وجهي بموية ورد ( بارده ) وبعدها ابدأ بالسدر مع...