اللي تبي تكسب عمرة وهي قاعدة ببيتها....تدخل

والله ياشانيل أنتِ مثل حالي مع بنتي الصغيرة ..

مانفع معها شئ والمصيبة تبي شعر زي أختها الكبيرة ناعم { شلون أسوي لها شعر ناعم } هي عمرها داخلة الاربع

سنوات بس حيل حساسة من جهة الشعر حتى لين تكلمت مع أحد بخصوص شعرها تلقينها حاطة يدها على شعرها..

أنا دوم قاصة لها بوي بسبب خشونة الشعر بس لين متى البنت تحب الشعر والرقص تبي تلفح به ..:29: :06:

تكفون يأخواتي دوروا حل لي ولشانيل عسى الله يوفقكن ..

واللة يا اول الوسم نفس تصرفات اختي كل ما شافت احد يضحك بالاعراس تحسبة يضحك عليها واللة مشكلة ما ادري شنو اسوي عاد ننطر اللي بتعطينا الوصفة تكون اختي فقدت الثقة بنفسها

السلام عليكم
فية اشياء كثيرة وخلطات رهيبة بالمنتدى انت بس سوي بحث
وراح تشوفين المواضيع الي كتبت عن نعومة الشعر
وانصحك انك تطولين لها شعرها لانه مع التربيط راح يكون شكلة ارتب من القصة
انا بنتي عمرها اربع سنين وشعرها ناعم بس دائما نافش ومتموج
فطولته لها لانه اذا كان قصير يصير شكلها مو مرتب وكان الكل ضدي امي وخواتي وزميلاتي يقولون
قصي لها بوي ولا تطولينه بس ما رديت على كلامهم واليوم شعرها الى نصف ظهرها وهي مرة فرحانه فيه ودائما اضفرة لها ويطلع شكلها مرتبة مرة وانوع بالربطات والبكلات واشكال والوان واي شئ للشعر على طول اشتريه لها
وصار الكل يقول انه تغير شكلها مرة حتى ان عمتها اخت ابوها
تقول خلاص راح اطول شعور بناتي من بعد ما شفت بنتك
واهم شئ انه هي نفسيتها مرة ممتازة وفرحانه بشعرها
حتى الغرة ما قصيتها لها لانه على طول ينفش شعرها مرة خفيف
بس ترى على ما توصلين الى الطول المناسب راح تفكرين اكثر من مرة
انك تقصينه وترتاحين بس اصبري وراح تشوفين النتيجة
السلام عليكم

شحم الجمل

ونخاعه

صدقوني ممتازين جداجدا

لنعومة الشعر

ومجربة من ناس شعرهم جاف وخسن

ياشانيل البنات صادقين .. أهم خطوة هي تطويل شعرها .. أعرف ان الناس ينصحون بالقص دايماً بس هذا أكبر غلط :( شلون يقصون لأي أحد طيب ممكن يكون الشعر منفوش شوي وإذا انقص ولا انربط يصير شكله مب حلو :(
فلازم يكون طويل ..
وبصراحة أكيد ان شاءالله بتفيد فيها وحدة من هالخلطات اللي المنتدى ملياان منها ماشاالله :) تعرفين ، توها صغيرة وفروة الراس بتمتص هالأشياء وبتستفيد منها ..
وحدة من صديقاتي من زمان قالت لنا .. ان شعرها يوم كانت صغيرة خشن مرررة ، وشبهت حالته بشعر وحدة من البنات ( أفريقي ) ، ماصدقناها لأن شعرها كان ماشاءالله غزير وناعم ويلمع ، تقول كله بفضل الله ثم بالزيوت والحنا ، بالتناوب ، ماكانت تتركها ..
ترى هذي كل التفاصيل اللي أعرفها عن هالشي ,,
والحنا ترى علاج .. فحاولي من جميع النواحي ، تاخذين أحسن طريقة للحنا ، و أحسن زيوت وترى زيوت ( وادي النحل ) هي الأصلية والزينة . أكيد فيه أنواع ثانية بس هذي مجربتها وواثقة منها . :)