اللي تبي تلبس لبس فوق الركبة وهي واثقة .. للبناااات فقط

^
^
^
^
^
^
^
هالوصفة طبعا للي معرسات عشان اذا ودهن يلبسن لرجالهن لبس فوق الركبة
( أصلا غصبن عليهن رضن ولا انرضن )
وهن واثقات من انفسهن وترااااه مجربة وزينتن بالحيل

واللي ماأعرسن يصفطن معي على جنب .. الله لايهينهن .. ميخالف يسوونه بس مايلبسن فوق الركبة
ماأبي استاثم بكن يالمزيونات واللهم اني بريئة الله يجملنا وياكن بالستر
الا اذا اعرستن عاد طلعن عصاقيلكن عند رجالكن بكيفكن
الله يوفقكن وتعرسن كلكن بليلتن وحدة <<< هههههه وشرايكن بهالدعوة دايم تقوله جدتي لنا
لاصرنا ياحفيداته مجتمعات ( اما ياحفيداته هههههههههههههههههه بدن المتخرمات يطلعن )

ايه صح نرجع للخلطة

شوفن هذي المقادير

1 ملعقة صغيرة فلفل أسود
1 ملعقة صغيرة فازلين
عصير نص ليمونة
1 ملعقة كبيرة فكس
بس

<<<ترى الاخير مهوب من ضمن الخلطة هالحين تجي وحدتن فاهمة غلط وتروح تجر بس ( قطو )
مع أذانوه وتفرك بوه ركبته ههههههه

وهذي الطريقة :

تفركين ركبتس كل يوم لمدة أسبوع واللي بلاه الله بركبة غامقة مرة تزيد
بعد زيادة اسبوع ولا اسبوعين وبتنجح بإذن الله

وتشوفن نتايج باااااااهرة وتصير ركبتس تلق وتبلص وتبرق وتلمع وكيف الحال

ترى الطريقة مررررررة حلوة وسهلة

بعد تقدرين تستخدمينه للجسم كله بيطلع الجسم له نضرة
ويكون احسن لو تخلينه عادة عندتس قبل التروش ( الإستحمام )
وتتعودين عليه راح تشوفين نتايج أكثر

يالله جربن وعلمنن وش رايكن ؟؟

عاد كلكن ادعن لي وخلن رجالكن يدعون لي بعد
خلوهم يستانسون يقولون اوووووف وش هذا اللمعان ولا لمبات خط 220<< أما عاد لمبات
ياويل ويلن اللي تسويه ماتدعيلي برتكب به جريمة تشويه عصاقيله بالمخوش

لا جد عاد تكفووون بنات ادعولي ترى تكفى صايرتن تهز الحريم <<< ياشيخة اقلبي وجهتس
والله اني استانس وانبسط واتشقق اخر تشقيق ولا أطلق خياط يخيطن ( ياكافي ) اذا أحد دعا لي
خصوصا الله يجعلتس من أهل الجنة واااااااااااااااوك أطيح على خشتي من هالدعوة
ويازينة لاصارت طالعة من قلب ياويليييييييييه ترجف قلبي رجف الويل ( يادافع البلا )

الله يوفقكن ويجملكن بعيون رجالكن قولن امين

والقادم احلى وصيفنا مع أهلنا أحلى وأحلى <<< والله ياهي ماله دخل متأثرتن بقناة المجد طربق طربق

تحياتي لكن :

كوكيتا