بسم الله الرحمن الرحيم
و الصلاة و السلام على خير الانبياء و المرسلين
بنات تدرون معاناتنا ويا بدلنا الي حق العروس شي يبي تضييق شي يبي تركيب اكمام
شي يبي تقصير ذيل وما الى ذلك
و الي تجربتها مثلي تعرف مو كل خياط شاطر فطرحت الموضوع عشان بدلة واحده لا تخرب و تضيع عليها فلوسها و تعبها و الله ياجرني على نيتي ياربي يا كريم
شوفو تجاربي ويا الخياييط للتعديل
قبل كم سنة اشتريت خوش بدله من مجمع الموسي لكنها كت و تبي تركيب
اخذت الشال و رحت لخياط ما نعرفه و سالناه تعرف قال ايه
جينا بناخذ البدله ولا شنشوف مخرب ام البدله تهاوشنا معاه و قلنا نبي تعويض
و طلعنا بلا فلس
عقبها تعقدت من الخياييط
عقب كم سنه اختي تعاملت مع مشغل حروف عشان يعدل بدلها و الله طلع تمام هم هو بالروضه
وديت له بدلتي شريتها بالف و 300 من خريص بلازار تصميم ايلي صعب طبعا مو ايلي صعب الي مسويها بس ماخذين تصميمه
المهم و الله ضبط الكم لي و انا حاطه ايدي على قلبي
و اخر بدله شريتها من العام وقت التخفيض و خامها شتوي مخمل بس ظلت عندي سنة كامله مالبستها لان كل العروس الي حضرتها كانت بالصيف
الا و تجي لنا مناسبة و قلت بس اخيرا بلبسها
بس المشكله حفر
رحنا لمشغل حروف طلع مسافر
رحنا لمشغل اميره اختي تعدل تنانيرها عنده طلع شريف و قال ما اعرف
قمنا ندور و ندور بالمنطقه رحنا لشارع كله خياييط
نزلنا من السياره رجولنا قادتنا لمشغل السلمي
شايب بس شكله يوحي بانه شاطر
و اطلعت فراستي صحيحه يوم قلت بقلبي شكله شاطر ماشاء الله تبارك الرحمن
عرضنا البدله عليه قلنا هاه تعرف ولا لا
قال ايه
و الله طلبنا شغل كثير عليها
تركيب اكمام جبنيز بس هو خلاها كم طويل بس احنا بالبيت عدلناها
قص من ورا و قدام لانها مره طويله
قال مافيه قماش يكفي اصرينا عليه اخذ من الذيل و ركب كم ما نبي البدله تصير مرقعه
و الحمد لله الذيل كان مره طويل
المهم سوري طولت عليكم بس حبيت اعطيكم التفاصيل
هو لما سالناه عن مشغل حروف و قلنا رخيص رخص لنا
انتم اذا جيتيوه قولو انتم تتعاملون مع حروف عشان يرخص لكم
اخذ 30 ريال بس ماشاء الله تبارك الرحمن شغله مضبوط ونتي بالبيت البسي اطول كعب عندك و اخذي الطول بالدبابيس
العنوان الروضه اعتقد 2 شارع ابي الدرداء
الرياض
جنب ملاهي الروضه النسائية يعني العنوان ما يتيه و على فكره ملاهي الروضه حواليها اكثر من شارع للخياطه يعني دورو حواليها لين تلقون شارع ابي الدرداء
تلفونه 4933213
مدري اذا خياطه زين ولا لا
بس للتعديل شاطر ماشاء الله
الي سواها لي شايب قصير و له لحية بيضه و على قولة اخوي مزيون خخخخ
وما ابي الا الدعاء ربي يفرج همي انا و عايلتي
حنونه5 @hnonh5
محررة
اللي تبي خياط مضبوط يعدل لها بدلتها تروح لمشغل السلمي بحي الروضه على ضمانتي و الله
12
4K
يلزم عليك تسجيل الدخول أولًا لكتابة تعليق.
w-moon-s
•
مشكوررررررررررررر ه ياقلبي
الصفحة الأخيرة