" وتقول بما ان الترمس بيكون مطحون و عشان تتجنبين انه يلصق بالشعر مثل البودر ممكن تحطين الترمس في قطعة شاش و تلفينها عدل و بعدين تنقعينها بالماي عشا ما تلصق بالشعر.."


أختي كويتية عسل
مشكورة على تلك الوصفة
لكن ممكن توضحين أكثر عن الجملة التى فى الأعلى

فهل أأخذ الماء المصفى من تلك الوصفة فقط ام أاخذ الخلطة بأكملها وأضعها على شعري.......


تحياتي،،،
أنوار الولاية :)

أم سلوووم: آنا شريت الترمس العادي ومادري اذا يفرق عن الترمس المر ممكن البنات يفيدونج، آنا قلت ان التمس راح يكون مطحون يعني بوووددرررررة وانتي عارفة ان البودرة مايمسكها المشخال لان الحبيبات تكون صغيرة وتطلع من فتحات المشخال عشان جذي ممكن تاخذين قطعة شاش طبي العادي من الصيدلية وتجيبين كمية الترمس اللي تناسب طول شعرج و تحطينها داخل الشاش و تلفين الشاش عدل وتربطينه عشان الترمس مايطلع منه وتنقعين الشاش اللي فيه الترمس بالماي من الصبح الى الليل و بالليل تاخذين الشاش وتقطينة خلاص والماي اللي نقع فيه الترمس تحطينه على شعرج وماتشطفينه الا الصبح لان ماي الترمس لازم ينقع براسج طول الليل والصبح تقدرين تغسلينه،،، طريقة الشاش اللي قلتلج عنها تمنع بودرة الترمس انها تلصق بفرة راسج بعدين يصير منظر شعرج وصخ كأنه فيه رمل، واذا حطيتي الترمس لاتنشفين شعرج ولاتسشورينه قبل الصبح ومولازم يكون الشعر مغسول قبلها عادي حتى لوشعرج ناشف بس هالطريقة تستخدم يوميا وبتلاحظين الفرق بعد اسبوع الى 10 ايام.

أنوار الولاية: نعم تاخذين الماء المصفى فقط وآنا شرحت الجملة اللي تبينها لام سلوم وانشالله تكونين عرفتي الطريقة.

وأي اسئلة ثانية انا حاضرة

:27:

بصراحه هذى الوصفه اعرفها من زمان من كتاب حق اعشاب وسويتها اعتقد انها لنعومة الشعر

وقبل فتره قريت موضوع للترمس انه يأ خر نمو الشعر فى الجسم وجربتها وبصراحه لمن شلت الشعر

وحطيت مكانه منقوع الترمس ماطلع الشعر بسرعه واماكن طلع الشعر كانه فيه فراغات

بصراحه انا ماستمريت عليه يعنى فتره بسيطه لانه زوجى خوفنى وقالى اخاف تنا فسينى فى الشنب


وخفت وقفتها .

والافضل جربوها على منطقه معينه من الجسم واذا شفته اخر الشعر لاتحطونها فى شعوركم

ترى انا جربت الطريقتين الاولى من سنين والثانيه من5 شهور

اخت البتول.. انتي قلتي..
"حطيت مكانه منقوع الترمس ماطلع الشعر بسرعه واماكن طلع الشعر كانه فيه فراغات" ( معناة انه خفف الشعر) بعدين قلتي
"بصراحه انا ماستمريت عليه يعنى فتره بسيطه لانه زوجى خوفنى وقالى اخاف تنا فسينى فى الشنب"( معناة انه شعرك كثر..!!).. مافهمت ياليت توضحيي.. مع الشــــــــــــكر..

:27: :26: