بسم الله الرحمن الرحيم
أشكركم يابنات على تفاعلكم الطيب مع الموضوع ..... وأبشروا بالخير جبت لكم الأسعار للمجموعة الأولى والثانية ...
بالنسبة للمحلات أنا دايماً أشتري عطوري من سوق السويلم جنب المعيقلية ... سوق مشهور فيه محلات عطور كثيرة ...
وأسعارهم (( جملة الجملة )) يعني ناقص تقريباً 30% من سعر العطر في المحلات الثانية ..... وفيه أصلي وتقليد ...
ويقولون لك هذا أصلي أو تقليد .... لكن ماأنتي محتاجة أحد يعلمك هذا عطر أصلي أو تقليد مع موضوعي الجديد اللي أحضره.
والعطور القديمة فيه أسعارها معقولة تماما ....
على سبيل المثال :
عطر فلورا قوتشي في المحلات الثانية ( غير سوق السويلم ) 280ريال وعند سوق السويلم 190 أو 180 ريال وهكذا ...
أسعار عطور المجموعة الأولى ::

الاسعار _ حسب أخر تحديث عندي للأسعار _ يعني أخر روحة للسوق ههههههههههه .... قبل أسبوعين تقريباً .. الأسعار ل 100مل

1_ كوكو شانيل 490 ريال للبارفيوم ....... التواليت 407 ريال
2_كريد 600 ريال _ عطر رجالي .
3_دولتشي فيتا 380 ريال .
4_سمسارا 245 ريال
5_ فيرست تقريباً 200ريال أو 190ريال .
6_ أنايس أنايس 180 ريال
7_ أوبيوم سان لوران 290 أو 260 ريال ماني متأكدة .
8_ باريس سان لوران تقريباً 240 ريال _ حول الاسعار هذي _
9_ أورغانزا 180_ أو _ 210 ريال .
10_ أماريج 220 ريال و أعتقد 160 ريال .
11_ بيوم 240 ريال
12_ بليجر 245ريال .
13_ بيوتفل 250ريال
14_بوشرون بوشرون 145 ريال
15_جايبور بوشرون 180ريال
16_ 24 فابيورغ هيرمس 290 ريال
17_ديون ديور 320ريال
18_ شوميت شوميه 140 ريال

أسعار المجموعة الثانية :: عطور الملكة والشبكة والمقبلات على الزواج ......
1_ كريد رويال ديلايت 420ريال _ غالي لكن فخم _
2_ أكسترا فغانزا 160 ريال
3_عطر اليزبيث أردن فيفث أفينيو 130 ريال
4_عطر لانفان أربيج 130 ريال
5_عطر أوسكار دو لارنتا أنتروجن 180ريال
خواتي ترا الاسعار تقريبية وحسب ماأتذكر ................
وأنا أنصحك ماتشترين 100مل أشتري 50 مل (( أحسن لأن العطور القديمة فوحانها عالي وثابته وماتحتاجين ترشين كثير ))
وعلشان ينقص عليك السعر وتقدرين تنوعين .... يعني ب 500 ريال ممكن تشترين 3 عطور أو أربعة ))
أنا أشتري عطوري دائما من سوق السويلم في الرياض قريب من المعقيلية .
و أي سؤال أنا حاضرة ...........
جربوا العطور زين قبل الشراء.............

سبحان الله وبحمده ,,, سبحان الله العظيم

يامرحبآ بالإخت شادية المحمد ,,

نورتي المنتدى ياقمر ,, :)

بصرااحه اعجبتيني واعجبني أسلوبك وذووقك يآعسل ,,

أتمنى لك التوفيق والسعآدهـ الدائمة في الدنيا والآخرهـ ..

بالنسبة لعطورك في المجموعة الأولى كلها جربتهآ وكررت منها أنآيس أنآيس من كاشريل ,,

وجت فترة استخدمته لبنتي الكبيرهـ لما كآنت في الروضة ربي يحفظهآ وأجيبله عطور جهآزهـ ,,

أما فريست - واورجنزا - وأماريج - وكوكو شانيل - وبندورة

مليت منهن وما عاد أحب أشمهن وأي عطر مقارب لهن ..

وبالنسبة لعطور المجموعة الثانية ,,

جربت منهن اليزبيث اردن حلوو وممكن أكررهـ ..

ومشكورهـ مرهـ ثآنية ووجودك أعطى المنتدى طعم جديد وإنتعآش ,,

أتمنى لكِ دوآم الصحة والسعادة ~

:26:

مشكوره اختي شاديه وسر الحكايه ونور القمر ماقصرتو وجعلها ربي من موازين حسناتكم يارب ويزقكم كل مااتتمنون وزياده


بس حبيت اسالك كيف اعرف التقليد من الاصلي؟؟؟؟؟

شادية ابغي اعرف منك سر حريم متعطرت وريحة العطر تفوح ليش حتي الأنفاس تكون فواحة وايش هي العطور الفرنسية الي تخلط مع دهن العود والمخلطات