اللي تبي علاج للشعر ومن د/استشاري وبالها طويل تدخل

انا بصراحه لي سبع سنين اعالج شعري بكل اللي تتوقعونه من زيوت وخلطات وكريمات ومانفع معي شي وبالأخير عرفت دكتور استشاري جلديه بمدينة الملك خالد العسكريه ووصف لي علاجات بعد ما عطاني كم تهزيئه بشعري المهم وصف لي العلاجات التاليه
حبوب فيفول لنقص الحديد اللي طبعا ياخذونها الحوامل:42: حبه في اليوم
بخاخ مينوكسيدل تركيز 2% مرتين في اليوم وفي كل مره 8بخات متوزعه للشعر (يومي)
فيتامين مقوي للشعر اسمه بانثوفيل قيمته14ريال تاخذين منه 2مل وتخلطين معه 2مل ماء دافي ويفرك به فروة الرأس ويترك ربع ساعه ثم يغسل (ثلاث مرات في الأسبوع)
كريستال سيروم وهذا رووووووووووعه بعد الاستحمام بعد ماتنشفين شعرك تحطين منه عالشعر هو مثل الجل تحطينه ثم تمشيطين شعرك (يمنع التقصف)سعره 25ريال في الصيدليات ومراكز التجميل
حبوب اسمها ...يور هير... قالي اهم شي لازم تشترينها من مركز اسمه G.N.C له فروع في المملكه اتصلي عالاستعلامات وخوذي رقمه انا مالقيت رقم اللي في الرياض وطلبت رقم فرع الشرقيه ومنه اخذت رقم فرع الرياض :09: مشوره صح سعرها بحدود100
وانا الحين لي 3شهور عليه والله شعري تحسن بشكل ماتتصورون
أكيد بتقولون أخاف مايناسبني لكن والله وربي يشهد على كلامي قالي الدكتور هذي ممكن الكل يستخدمه والله يابنات إن صلعتي اللي قدام أختفت وبنت عمي بس استخدمت حبوب يور هير وكريستال سيروم وتحسن شعرها مرررره
ومنعني من الشامبوهات التجاريه قالي استخدمي الطبيه تلاقونه في الصيدليات أنواع كثيره وقال كل 3شهور غيري الشامبو
حبيت اقولكم عشان تستفيدون مثل ما استفدت لأني ما أتوقع أحد عانا من شعره كثري أنا
وآسفه عالإطالة غثيتكم تحملو عشان شعوركم ......دعواتكم