سلام يااخواتي
حبيت اكتب هالموضوع عشان اللكل يستفيد وخصوصا الامهات اللي توهم عيالهم يدخلون المدرسه مثلي وخايفه عليهم من ناحيه المذاكره:(
اللي خلاني اطيح على هالطريقه هم عيال اختي اللي دايمن من الاوائل ماشاء الله وانا اشوف اختي ماتبلش بهم ابدن ابدن بس بالمسائل الصعبه اللي يكونون مايفهمونها حتى بناتها التوامه اللي بثاني ابتدائي معتمدات على انفسهن
طبعا انا ماسالتها بالبدايه ولاحسبت انها مستعمله معهم هالاسلوب بس بعدين يوم شافت ولدي حركي كثير قالتلي بالحرف الواحد
ولدكي اذا ماعلمتيه من الحين يعتمد على نفسه بيوريكي نجوم الظهر بتدريسه:09:
طبعا انا ماخليتها الا وهي معلمتني على الطريقه :icon28:
وهي كالتالي
اولا
من يدخل ابتدائي انتي اكيد وياه على طول الخط تعلمينه الحروف باشكالها والارقام طبعا
ثانيا
تركزين على اهم شي وهو انه يصير يعرف يقرا ويفك الخط وهذي هي مربط الفرس1
واول سنه لو تتعبين معاه مره معليه تحملي عشان السنين اللي وراها يصير لحاله يذاكر بدون ماتكونين معه
ثالثا
انتي هنا منتي تاركته طبعا وهو وقتها لسه ماتعلم الحروف زين فشتسوين عشان يتعود يذاكر لحاله
بعد ماتخلصين من مذاكرته وحل واجباته تخلينه لوحده وتقوليله يالله عاد انت ذاكر لحالك وراجع دروسك واحرصي انك تكونين حوله تراقبينه بدون مايحس عشان مايزوغ هنا والاهنا هنا عاد يصير ولدك او بنتك يقلب بالكتاب وهو مو عارف شي بس يحاول يدور عالشي اللي انتي علمتيهياه وشوي اشوي يتعود انه يفك الخط ويتعلم لوحده
وهذي الطريقه هي بعد مهمه جدا جدا
رابعا
لما يصير يعرف يكتب زين وتاخذ يده عالقلم والكتابه هنا حسسيه بالمسؤليه وانه هو المسؤل عن حل واجبه فبعد ماتكونين متاكده انه عارف الحل وايش واجبه حمليه مسؤليه حله وقوليله انت حله واذا ماحليته ترا الاستاذ بيعاقبك انت مو انا وممكن يهاوشك قدام الطلاب وعطيه محفزات انه يهتم بان اذا حل الواجب صح راح تصير من الاوائل وكذا راح يتشجع وبيحاول انه يثبتلك انه يعرف يحل ويكتب من حاله
خامسا
عوديه انه اذا سالتيه يافلان ذاكرت وحليت اللي عليك انه يصدق كييييييييييييييف
مثلن انتي سألتيه وهو مثلا كذب عليكي وانتي عارفه هالشي ذكريه بس وش بيصير اذا انه ماذاكر من قبل الاستاذ
فهو هنا راح يذاكر من غير مايقولك عشان يتجاوز اللي ذكرتيه به
واهم شي اهم شي اهم شي انتبهي انك تكتبيله او تحلين عنه واجباته بكذا يتعود يقول اييه امي اكيد اذا نمت تبي تحله عني ساعتها ابشري بالولد الكسلااااااااان
لايغركم الطفل ذكي ويعرف لامه
بعدين علميه مثلن وانتي برا البيت او بالسياره تخلينه يقرا وش مكتوب على الواح المحلات وعلى لوح السيارات الحروف والارقام وتختبرينه اذا يعرف يفك الخط والا لا
مثلا وانتم بالمطعم خليه يقرا المنيو ومنها يختار لنفسه ولكي وللعيله اذا تبين بعد
وفي طريقه حلوه بعد عطيه ورقه وقلم وخليه يكتبلك مقاضي البيت وانتي تملين عليه بكذا راح يتحسن ويقوي قرايته وكتابته بأذن الله وان شاءالله مايضيع تعبكم
وطبعا لاتنسون اهم حاجه انك تكونين معاه خطوه بخطوه اول سنه معليه بتتعبين بس احسنلك عشانك وعشانه ويصير من ثاني او ثالث سنه بالكثير وهو معتمد على نفسه وشاطر بعد وتصيرين ماتبلشين به على طول
ارجو اني افدتكم
دعواتكم
نسيت اقولكم على حاجه مهمه بعد
انك تحاولين تذاكرين له بدون هواش وصراخ وعصبيه ابدا ابدا ابدا
والا راح يروح تعبك هدررررررررررر
ويبلد الولد ومراح يفهم شي منك
ونسيت شي بعد مهم انك لما تجون تذاكرون يتطفا كل شي تلفزيون وسوني وغيره وغيره
بعدين اللي ببتدائي يجون بدري فهذي فرصتكي انك تعوديهم على شي مهم بعد
انه اول مايجون من المدرسه يريحون شوي ويتغدون واذا جو قبل وقت الغد1 فرصتكي بعد مايريحون كذا نص ساعه عوديه قوليله يالله حل واجباتك الحين وعلمني وش اخذتم دروس حتى لو تجيبينه عندك بالمطبخ معليه وخليه يحل واجباته واذا قال يبغى ينام لااااااااااااااااااا تخلينه قوليله يايمه عندك النهار بطوله والليل انتبهي بعدين يتعود على كذا وابشري بالكسل والاهمال وحمسيه قوليله اذا ذاكرنا كل شي وحلينا بخليك تنام وتلعب وتتفرج على كيفك
ولما يخلص حل ابدي بالتحفيظ وتدريسه
بكذا يتعود بعدين من حاله يذاكر اول مايجي من المدرسه حتى لو صار بالمتوسطه
بس كله باصرارك ومداومتك على هالشي
يعني مو يوم تهتمين ويوم لا
واذا تعود يصير ولدك يقولك يمه يلله خلينا نذاكر
ان شاءالله ربي مايضيع تعبنا
واذا تذكرت شي بعد من طريقه اختي بقولكم
جواده2009 @goadh2009
محررة
يلزم عليك تسجيل الدخول أولًا لكتابة تعليق.
×نونو ×
•
متابعينك
والله انج ضغطتي على الجرح انا اضغط على وليدي واااااااايد واعصب عليه واوقات اطقه على ايده الله يسامحني عشان يقهرني ماخذ الواجب لعب ومو جدي ها الحين صرت اخاف كل ما يجيب واجد منزلي عشان حرب أعصاب لي وله وما يخلص الواجب الا أعصابي فلتانه لأن أكيد كل أم تبي ولدها يصير الأحسن
يا ريت ما تتأخرين علينا بالطريقه لاننا في أمس الحاجه لها حبيبتي وبتكسبين أجر فينا وفي عيالنا
ناطرينج حبيبتي
يا ريت ما تتأخرين علينا بالطريقه لاننا في أمس الحاجه لها حبيبتي وبتكسبين أجر فينا وفي عيالنا
ناطرينج حبيبتي
الصفحة الأخيرة