اللي تتبع ريجيم دشتي(اتكنز)تفيدني الله يرزقها الرشاقه

السلام عليكم
بصراحه يابنات هذا الريجيم عاجبني وابغى اسويه بس للاسف دخلت على الموقع ومافهمت الريجيم
كل اللي عرفته انه يتكون من اربع مراحل
المرحله الاولى عرفت المسموح والممنوع
المرحله الثانيه تم اضافه الفاكهه
المرحلتين الثالثه والرابعه مافهمتهن
سؤالي الاول..المرحلتين الاخيرتين وش الممنوع والمسموح فيهن؟
السؤال الثاني...كل مرحله كم اسبوع؟؟يعني مدة البرنامج؟؟
السؤال الثالث.الي جربت الريجيم كم نقص وزنها من كيلو؟؟

ام عزيزان الله يجزاك خير
ان شاءالله بستمر لاني احب البروتينات وسويت ريجيم اصعب من هذا
بس ابي اعرف بعد المرحله الأولى والثانيه وش اسوي؟؟؟؟

أوكي، في كتاب أتكنز كتب لنا شي اسمه The Carbohydrate Ladder أو سلم الكربوهيدرات، يقول ان كل أسبوع من المرحله الثانيه ممكن نصعد درجه وحده ونزيد 5 جرامات اضافيه الى نظامنا، حسب الموجود لنا في هاذي الدرجه،، ونشوف الوزن، اذا أوكي، نستمر، واذا زاد، نرجع للدرجه اللي قبل (يعني ننقص 5 جرامات)، وهاذي هي الدرجات

1. كميه أكبر من السلطات والخضراوات المسموحه حاليا (يعني نفس اللي الحين ناكله، بس بزيادة شوي عشان ال 5 جرام الزياده)
2. أجبان طازجه (الأجبان الكريميه مثلا أو اللي فيها كربوهيدرات أعلى نسبيا وما كنا ناكلها في المرحله الأولى)
3. مكسرات وحبوب
4. Berries أو الفواكه اللي من فصيلة التوت والفراوله
5. مشروبات روحيه
6. البقوليات مثل العدس وال beans
7. فواكه (غير عن ال berries)
8. الخضراوات النشويه (مثل الجزر والبطاطس والذره)
9. whole grains يعني الخبز الاسمر والكورن فليكس الاسمر والاشياء السمره !! (سووووري ماعرف ترجمتها!! أعتقد انها النخاله)

المرحله الأولى مدتها أقل شئ من أسبوعين الى ما شاءالله، يعني في ناس استمروا عليها لمدة سنه أو سنتين، حسب الوزن وحسب انتي شكثر تبين تنزلين

المرحله الثانيه تستمر معاك ، أعتقد أقل شئ 9 اسابيع لأنك كل أسبوع بتضيفين شئ جديد، واحتمال كثير جسمك ما ينزل بسهوله فتحتاجين أمثر من هالمده

المرحله الثالثه ما تحضرني الحين، أول ما أرجع البيت أكتب لك عنها لأني الحين في الدوام
وان شاءالله بعد أكتب لك المسموحات والممنوعات بعد

المرحله الرابعه هي المحافظه على الوزن وهاذي تستمرين فيها طول عمرك