اللي تتعب في الصباح عشان تصحي أطفالها المدرسه تعالو اقولكم حل

السلام عليكم ورحمة الله وبركاته


اليوم نجحت في مهمتي 😁 وقلت لازم اعلم الحلوات اللي تعبانين زيي

جربت طرق كثيره ماجابتلي فايده

اياد في التمهيدي يتعبني وبالبكاء والزعل عشان يقوم الله يهديه

فقبل اسبوع زرعتلو فاصوليا وكل يوم الصباح اقولو قوم اسقيها مويه عطشانه حتموت مسكينه

ويقوم بسرعه ويسقيها بس كم يوم طفش وصار يقولي انتي اسقيها

المهم اليوم جيت اصحيه قلتلو انت البذره راح احفر تحتك واسقيك هذا هو نايم ويسمعني

وصرت ادخل يدي تحتو كاني احفر عشان يصحى وطبطبت فوقو ادفنو وكاني رشيتو مويه

وهو نايم مو راضي يفك عينو صرت اقول اشبها البذره ماتكبر خليني ازيدها مويه

وبدا يتفاعل معايا ويضحك وشويه شويه الين وقف قلت ماشاء الله صارت نخله فيها تمر كثير ابغى ومديت يدي وصار هو يتحرك كانو يرميلي تمر

شويه صار شجره موز وشويه شجرة تفاح المهم صار لعب وقلتلو اش رايك نلعب في الحمام اسقيك وانت تتحمم

في البدايه رفض قلتلو نلعب ونتحمم عشان ماتتاخر عالمدرسه

واتحممنا ولبسنا وخرج مدرستو وهو مبسوط ويبوسني الحمدلله



هذي تجربتي ويالله نبى تجاربكم


تم الإرسال بواسطة iPad بإستخدام Tapatalk