فعلا ونظفوا افنيتكم ولاتشبهوا باليهود

يعطيك العافيه

شفت الحلقه جمعولها حوالي 3000 دولار من بين الانقاض

وشلون ما يموتون من الجراثيم والله البرنامج يعرض بكتيريا في كل مكان في البيت

طيب وشلون يستقبلون الناس ما عندهم لا فشيله ولا عيب الحمدلله على نعمة الاسلام

والله يابنات ان وحده من جارتنا كذا ...بس للعلم هي مو سعوديه ..متزوجه سعودي ولا السعوديات يتنافسن في النظافه ...لنفسهن ولدينهن ولستقبال الضيف بأي وقت...
المهم نرجع لجارتنا...>>الله لايبلانا والله انا نروح انا وبنت عمي ونجيب شغالاتنا وننظف بيتها من والا نبدا بغرف النوم نرمي الملابس اللي ماتبيها >>>ترى لاتحسبونها وسخه بالعكس هي الضعيفه تسوي اللي تقدر عليه بس عندها اولاد كبار وصغار وهم اللي يحسون عليها وتتعب ماتقدر تداري شغل البيت كله وهم ناس على قد حالهم بناتها صغار...اكثر شيء يحزني يابنات ان ابوهم يوم كان حي والله ان بيتهم زي الورده تعرفون بيوتنا كيف ..ماتشمين الاريحة القهوه و البخور ..بس لما مات خلاص صارت الام عليها كامل المسؤليه في كل شيء ..
وعلى فكره الاحظ ان الاولاد اذا تعودوا على النظافه بيتهم خلاص يصيرون هم من نفسهم يرتبون البيت ومايرضون يشوفونه حايس لانهم مو متعودين ...
المهم يوم نظفنا بيتهم امكن طلعنا 7اكياس زباله وانتم بكرامه ...ملابس قديمه على مواعين مكسره على اكل منتهي الصلاحيه على وساخه اكل ..بدينا بغرف النوم طلعنا كل شيء فيها وغسلنها ورجعنا الدواليب بعد ما مسحناها ووزعنا الملابس كل واحد من الاولاد له رف ..الكتب الزايده ودينها للقمامة الكتب السرر غسلنا البطانيات والشراشف وحطينا بدالها شراشف جديده غسلنا الشبابيك ومسحنا الابواب ...
وغرفه الجلوس كذالك طلعنا كل اللي فيها وغسلناها وكنسنا الموكيت ورجعنا الكنب بعد ما نفظنا الغبار عنه ..والستاير غسلناها وكذالك الشبابيك والابواب...والحمام وانتم بكرامة قرف مو طبيعي غسلته الخدامه من فوق لين تحت بالديتول والكلور كس صار يلمع وريحته جناااان ...اكثر شيء تعبنا فيه المطبخ ..والحوش ....بعد ماخلصنا بخرنا البيت وعطرناه وسوينا قهوه وتقهوينا ...
..بس الله يكتب الاجر ..والله لو وحده غيرها ماتخلينا ترتب معاها البيت بس الله يرزقها على قد نيتها ..
بس بعض الناس يرتبون الظاهر بس .وهذا سبب الجراثيم والحوسه ...