اللي تحبني تساعدني رجاء خاص ضااااااااااااايق صدري مره

رقة الحين بعد صبغ ثلاث مرات فوق بعض هلكتي شعرك الله يهديج:26:
لاتردي وتصغيه لان اذا شعرك الحين اسود فاحم مايفيد معاه اي تعديل واللي يقولك
انا اقدر افتح لون شعرك يكون كذاب لانه الشعر الفاحم صعب مرة انج تفتحيه ثاني
وهذ غلطك من البداية المفروض تنتبهين للصبغة ونوعيتها تمشي مع لون شعرك ولا لا؟
الحين اللي صار صار وماعليك الا بالحمام الزيتي اللي يغذي الشعر لعل يرجعله الليونة
واغسلي شعرك دائما علشان اللون يطيح بالغسل ويمكنك عمل تغيير بسيط
وهو انك تعملين ميش اصفر لطبقتين من اعلى الراس وبعدين ترفعين هذه الخصل اللي عملتيها ميش
وتحطين عليها صبغ احمر يطلع لون حلو وتغيير :27:
وعليك بالحمام الزيتي طبيعي وهذه مقاديره:
نفس الكمية تخلطين زيت الذرة وعسل طبيعي ولبن زبادي
تفركين به فروة الراس وتربطيه بقبعة نايلون وتنطرين نصف ساعة
بعدين تغسليه عادي
كرري العملية 2 بالاسبوع وان شاء الله خير

هلا حبيبتي رقه

اسمج وايد حلو :27:

انا انصحج لا تصبغينه مرة ثانيه ترا الشعر تاذى من الصبغ

احسن شيء ينزل الصبغه بس ياخذ وقت هو فاااشكوول بالثوم بس تحطينه على اطراف الشعر وامسحي شويه على الفروة


انا هذا اللي نفعني لانني مرة جربت خلطه البيروكسيد والكركم وطلع لونه حلو كستنائي جان استانس ورديت صبغته بس حبيت يفتح اللون

طلع شعري لونه برتقالي :((((((((((((((

والحمدلله كنت اغسل شعري واحط فاشكول بالثوم


واستعملت بعد دابر املا بو ريحه خايسه بس عشان يغمق شعري



فلا تزعلين ولا يضيق خاطرج

ومشكلتج سهله بس حاولي تدهنين شعرج دايما

عزيزتي

حطي نص علبة لبن زبادي مع ملعقة عسل لمدة ساعه وبعدين اغسليه ..بتلاحظين النعومه

ولاتصبغينه ولاتسحبين منه اللون ,وكل ماطال قصي منه .

وارجو اني افدتك:26:

عزيزتي رقه
انا مع الاخت بان في كلامها الا في شي واحد وهو حركة الميش .. لا تلمسين شعرك باي شي من الميش او الصبغ اكثر من كذا حطي الي قالت عليه نايفه بالضبط.. عشا النعومه
وانا عندي الي يطول شعرك باسرع من العاده بس اذا كنت متزوجه وزوجك مقابلك 24 ساعه فما يصلح لك الا اذا راح يقدر .. المهم ..... جيبي افضل حلبه بالسوق و اجودها واطحني منها مقدار ما يملي يدك الواحد وعليها كمان شوي ويكون طحنك سريع يعني ( مو تشغلين الطحانه وتنامين ) لا سريع يادوب ينطحن شوي اهم شي يكشف الي جوات الحب ..... وكمان لازم تجيبين زيت الزيتون الاصلي وتأكدي انه مو تجاري حي الله(( اصلي انتبهي ))
...
وحطي الي طحنتيه في غرشه نص كيلو او الغرشات الي تعرفين احجامها للزيوت ( وعرضيها للشمس يومين ) وخليها 10 ايام من تاريخ الصنع ( الي هو شغلك ) وابدي باسم الله
ووالله راح تحسين بشعرك يطول في زمن قصير وبمعدل اسرع بكثير من الي انتي تعودتي عليه
مرتين بالاسبوع ... مع وصفة نايفه
على فكره اذا قدرتي تشربينه مع استخدامه احسن واحسنين ولك الخيار تحبين تكتفين يالاستخدام الخارجي او الاثنين مع بعض... وفيه خلطه بالثوم بس والله ماعندي فكره عنها
اسمعي هالسالفه <<<<<<<<<<< راعية طويله
هههههههههههههه
... انا مره رحت وديت بنتي المشغل وقصيت شعري مدرج وقالت ابي زيك يا ماما ( طبعا بنتي شعرها قصير ما يصلح وعمرها 3 سنوات وشوي ) قمت قصيته بوي . ويم شافته بالبيت قصير مره . فضحتني وخلت الي ما يشتري يتفرج على قولتهم ومرمطتني ويالله هدت .. شكيت لزميلاتي وقريباتي ودلوني على هالطريقه والله يا اختي ان شعرها بدا يطول بسرعه وبشكل ملحوظ وبظرف 4 شهور ونص تقريبا صرت اربطه اثنين من فوق طبعا الشعر الخلفي الي بقفاها الى الان ما ينربط لكن على وشك

الزبده
راح تدعيلي وربي

السلام عليكم
افضل شئ لك الان هو الزيوت علشان تعيدين تغذية شعرك
الاخت شجون نفسي اجرب خلطتك بس ياليت تقولين لي كم يطول بالشهر يعني كم سم يطول شهريا
لاني ابغى اجربه على بنتي
هي شعرها الحمد لله طويل الى نصف ظهرها ولكن هي تحب الشعر الطويل ودائما تقول لي انها تبغاه الى حد ركبتها
نسيت اقول لك بنتي عمرها اربع سنوات
سلام