اللي تحب الخير تدخل

مساء الخير عليكم جميعاً

بدون مقدمات

أولاً أنا حابه أشكر كل البنات اللي في منتدى عالم حواء

على كل مساعده قدموها لي بقصد أو بغير قصد

وعلى المعلومات اللي عمرهم ما بخلوا علي أو على غيري فيها

حيث أني أستفدت منكم في مجالات كثيره من أزياء ومكياج وطبخ وصحه....الخ

بس اليوم محتاجه لكم بقوه ومحتاجه وقفتكم معي مثل ما توقف الأخت مع أختها

والسالفه كالآتي وهي أني أنخطبت و زواجي بعد 5 شهور وأمي حرمه كبيره

ولا تعرف شيء عن أمور التجهيز للعرايس ولا عندي أخت أكبر مني أسئلها

أو بنت خاله أو عم أمون عليها وأخذ رايها علشان كذا ما لقيت قدامي إلا أنتم

اللي تقدرون تساعدوني .

وطبيعة المساعده كالآتي : هي أن كل وحده عندها خلفيه عن الأغراض اللي

المفروض العروس تجهزها قبل زواجها من ساعات أو أكسسوارات أو ملابس

سهرات أو ملابس نوم أو..........الخ . وكم المفروض تجيب قطعه من كل نوع

يعني كم ساعه وكم فستان و ماهي الماركات والمحلات المناسبه لأغراض العروس

ووين أصلح فستان الزواج وكم المفروض يكون سعره

يعني بالمختصر اللي تقدر تكتب لي قائمه بالأغراض اللي المفروض أجهزها ومن

وين أشتريها لا تقصر معي وتكتبها أدري طلبي صعب وغريب شوي بس والله لو ما كنت

محتاجه لكم ما لجأت لكم وعلى فكره أنا عايشه في الرياض يا ليت ما تبخلون علي بخبرتكم

وتعتبروني أخت لكم وأنا في أنتظار ردودكم .

تمنياتي لكم بدوام الأيام الجميلة

أختكم نجديه حيل