لوتس لولو @lots_lolo
عضوة جديدة
اللي تحب الـ لقيمات .. إقلطي حياتس الله
السلام عليكم و رحمة الله وبركاته
شخباركم ياحلوين؟ وش سويتو اليوم عالفطور
المهم ياحلوين.. بعطيكم طريقة الـ لقيمات بطريقة الوالدة الله يحفظها ويشفيها يارب ..
بعطيكم المقادير اللي تكفي 3 أشخاص تقريبا .. عاد تسان مايكفيكم ضاعفوا الكميه
كاس ونص طحين
ملعقة حلى خميرة فورية
ملعقه حلى كاسترد
ربع ملعقه B.P
ملعقة أكل حليب بودره
ملعقتين زبادي
ثلاث أرباع كاس ماء
رشة ملح بس مو كثير شوي بس
حبة سوداء مدري سمراء (وش تسمونه)؟
المهم
اخلطي المقادير الناشفه مع بعض وبعدين حطي عليها الزبادي والمويه وانتبهي لايزيد المويه ( لاتنسين اذا فيه حبات صغيرة من العجين متكتلة حاولي تعجنينها الين تختفي )
اذا خلصتي من العجن اتركي العجينة تختمر وغطيها
لما ترجعين لها بتشوفينها انتفخت
نجي لـ الصب (صب الـ لقيمات عالزيت ) ملاحظه اول ماتصبينها لازم يكون الزيت حامي واذا خلصتي صبها قصري عالزيت بس مو مره تقصرينوه يعني تقريبا عالوسط
ولما يصير أشقر ارفعيها من على النار
و صبي عليها يا عسل أو شيرة
وبالعافية يارب على قلوبكم :)
ادعو لي باللي أتمنى ويتحقق عاجلا غير آجل والله يحفظكم
اللهم أعز السنة يارب انصرنا يارب يارب على من عادانا يارب
وارفع راية الاسلام عاليا ياحي ياقيوم يارب
واهدي بنات المسلمين وشباب المسلمين ياااااارب
13
2K
يلزم عليك تسجيل الدخول أولًا لكتابة تعليق.
**الشووق**
•
الله يحقق لك كل امانيك
الصفحة الأخيرة