ياكثر ما اكتب صح؟؟؟الله يصبركم علي
ندخل في صلب الموضوع
بمناسبة موضوعي السابق والكلام عن الفلوس وحب الانسان لها
كم وحده تتمنى تتزوج مليونير
اكيد كثير وما يفكرون الا بالفلوس وانها سبب سعادتهم
مثلا وحده تقول لو اتزوج مليونير كان اصير اسعد انسانه
قلنا لها ..طيب ليش؟
ترد وتقول كان اسافر لكل الدول
اشتري كل الماركات الغاليه واستانس
قلنا وبعدين؟
قالت ..استانس بالفلوس اي شي ابيه اشتريه وياسلااااااااااام
قلنا طيب وهاللي تشترينه وشلون يحسسك بالسعاده وهو مجرد لبس جماد
ردت وقالت
اذا شفت نفسي عندي هالاشياء الغاليه خلاص انبسط لابعد حد ولو هي مجرد ملابس
قلنا ..طيب والسفر؟
قالت ..اسافر لكل مكان واشوف الدنيا
قلنا ليش وانتي مانتيب في الدنيا؟!!!
ردت وقالت اشوف عالم ثاني وبلدان متطوره مهب مثل بلدنا>>>وهي ما تفرش اسنانها امحق تطور
سألناها
ما تملين منها؟
قالت لااااااااااااااااا اموت فيها انا>>>بغت تاكلنا
قلنا لها طيب تعالي عازمينك على طبخه حلوه ولذيذه
قالت وشي قلنا انتي بس اذا جعتي علمينا نجيبه
مرت ساعه وساعه وساعه
هلكت من الجوع
جبنا لها افضل طبق تحبه
جلست تاكل وتقول اممممممممممممم يهبببببببببببببببببل
عطيناها طبق ثاني ما شبعت مشفوحه
كلته وهي تتلذذ وعايشه جو ثاني
قلنا لها تبين بعد قالت هاتو حلووو
جبنا لها الطبق الثالث
كلت منه لقمتين وقالت يووووووووووووه حامت كبدي وش ذا ماش ماعاد ابيه طعمه صار شين غير الاول
قلنا لا هو نفسه ومن طبق واحد
قالت هذا جاب لي الغثيان
سألناها اي اطعم الاول او الثاني او الثالث
قالت الاول طبعا كان مرررره لذيذ
والاخير؟
قالت لأأأأ لا تذكروني بستفرغ>>>يكرم السامعين
جلسنا سويا على جنب
وقلنا يا اختي هذي الدنيا الحلو فيها النادر والقليل
ما تحسين بطعم الشي الا اذا فقدتيه
مثل الاكل لذاذته في الجوع ..ولو اكلتي وانتي شبعانه ماحسيتي بطعمه
اللبس والسفر وحياة الرفاهيه تشوفينها حلوه من بعيد لأنها ما تكررت عندك
لو ذقتيها مره راح تعجبك ومره ثانيه لكن لو زادت عن المعقول راح تكون ممله ولا لها طعم
احمدي ربك انك تتذوقينها وما تستفرغين من كثرتها
فهمت الحقيقه وقالت ولهت على جدتي وعلى الحنا بيديها
زين إللي فهمت ,,,, خخخ
ياشيخه الله يغنينا من واسع فضله ,,