هلا والله باختي الغاليه ..
احلى قرار انك تسوي لهم غرفه وتترتب امورهم ..
راح اجاوبك بالي استطيع ياقلبي .
- معلم جبس شغل محترف (عندي صورة وابي يعدل فيها اشياء للسقف)
والله معرف لكن كلهم يعرفو روحي لشارع العمال وراح تلقي ورخيصين وشغلهم متقن
2- دهان شغله 100%
شوفي اعرف عبد الطيف الي على شارع الابراج في البديعه حلو شغلهم وراح تلقي اشكال خطيره عنده للاطفال مررة مبدع وذوق
3- محل اثاث للاطفال تفصيل
بقولك شي انا فصلت غرفه عيالي عند بنقالي لتفصيل غرف النوم والله دامت معايه ماقول لك لا لكن الدولاب من الخلف ابلكاش خفيف وينكسر بسهوله والخشب محشي مو قوي والحين لها 6 سنوات متفككه واحاول اغيرهاا واعرف مصري في خنشليله فصلت غرفتي عنده مرة خطير وخشبه قوي بس غالي اذا تبغي رقمه راح ارسله لك خاص
4-محلات باركيه الماني
تلقينه عند عبدالطيف الي بشارع الابراج او الخزان ارخص
5-محلات ستائر للاطفال
عندك ايكيا وهوم سنتر حلوة ورخيصه
6- الله يرزقها ويوفقها ويسعدها ويسخر لها احبابها ويرزقها من نعيم الفردوس اللي تساعدني وتفرح اولادي خصوصا معلم الجبس
وهذي لكل من تشرف الموضوع ,:26:
الله يجزاك خير ياقلبي وانصحك بلون الابيض او الخشبي لاانه ماراح يقيدك بلاكسسوارات والستاير واي شي انا حااضره
محل اثاث تفصيل وخشبهم قوي والوان زاهيه وضمان 10 سنوات هو تناتل لهم فروع كثيره بالرياض و انا مجربتهم الله يفرح قلبك وعيالك
الصفحة الأخيرة
وين بنات الرياض معقوله مافصلتوا لعيالكم او مريتوا بتجارب ,,!