اللي تحب المحشي تدخل فيذا :)/ طريقتي في عمل المحشي

صبااااااااحكم سعاده

ان شاءالله تكونوا بصحه وعافيه :kiss:

بنزل لكم طريقه للمحشي يمكن تكون عند البعض غريبه ويمكن من خوفهم ما يطبقونها

لكن انا اقلكم ثقوا وتوكلوا على الله ﻻني من زمان معتمدتها وطعمها روووووووعه :p

كالعاده بحثت عنها ف المنتدى لقيتكم كلكم تتبعون طريقه وحده اللي هي تطبخين المفروم قبل ***

اقلكم طريقتي وبحيل الله تعجبكم وتدعون لي **

المقادير ...
لحمه مفرومه
بصله مفرومه ه
كزبره مفرومه
شبث مفروم
ثوم ثﻻث فصوص مفرومه
كمون - فلفل اسود - بهاراتك اللي تبينها بعد - رشه فلفل حار رشه بسيطه ملعقه صغيره ملح انا احطه بالنظر حسب ماتحتاج الكميه
رز نص كاسه منقوع ف ماء حار لمدة ربع ساعه او اقل حسب اللي تشوفيه انتي
***
تخلط جميعها مع بعض وﻻ تحتاج ﻻ نار وﻻ غيره وخليها على جنب مدة ربع ساعه او ﻻ تطول برا اكثر يعدم اللحم انا اسويها قبل بيوم واحطها بالثلاجه لليوم الثاني واحشي خضاري وش زينه طعمها

تجيبي قدر الضغط حطي فيه بصله مقطعه صغير فصان او ثلاث ثوم زيت حلو يكون زياده شوي بس يبين بالطبخه ومكعب ماجي
وبهارات نفس اللي باللحم اول كمون وفلفل وبهاراتك المعتاده وزياده رشة هيل
اذا تكشنت تمام حطي كزبره مفرومه حركيها مع البصل جدا روعه هذي الحركه تعطيك طعم لذيذ للاكل
اغلب الطبخات اللي اسويها اعتمد فيها الكزبره الخضراء
بعدها جيبي طماطم حبتين مطحونه وملعقتين وﻻ تكثريها صلصه
خليها على نار هاديه يتسبك براحته

جيبي خضارك اللي تبين وفرغيها من جوه واحشيها بخلطة اللحم ورصيها ف القدر ذوقي الملح شوفي كيف ف المرق اذا احتاج زيدي
اذا خلصتي جيبي مويه حاره وصبيها بس ﻻتجي على الخضار صبي على نفس المرق لين تغطينهم تمام وﻻ تكثري مويه بس تتغطى الخضار غطيه واول ماتبدا الصفاره تدور وطي النار مررررره صغيره وخليه ربع ساعه بالضبط ﻻاكثر وﻻ اقل

وعساها مداخيل العافيه
جربوا ماراح تندموا :2thmup: