اللي تحترم زوجها وتقدره و تراعي ظروفه دائما يجازيها بالخيانه هذي قصتي

بدخل في الموضوع على طول مره اخذت جوال زوجي عشان ادق على اخوي من جواله المهم بالصدفه دخلت على


الرسايل الا لقيت رساله مكتوب عليها (ممكن اعرف من انت )من رقم غريب رحت للرسايل المرسله الازوجي راسل

لنفس الرقم رساله (يا قلبي على الاحترام ممكن ليش لا ) ومرسل رساله صوتيه بعد يقول فيها (السلام عليكم والله حاب


يكون الاعتذار صوتي لو سمحتي ) ومرسل لها رسايل حب وغرام المهم انا ما صرت اشوف شيء قدامي جلست ابكي


لأني مرررره ما توقعت يسوي في كذا رحت عنده كان نايم وصحيته من النوم وانا ابكي تخوني تكلم بنات من وراي قام


من النوم ويحلف انه ما خانني وانه الرقم لواحد من اصحابه مسوي فيه حركه ويبكي ويحلف بالله المهم أنا صدقته لأنه


حلف بالله ولاني ما ابغى اهدم بيتي المهم بعدها بشهر بالصدفه قبل ما يداوم وهو يتجهز قلت ابغى اشوف جواله الافيه


نفس الرسايل القديمه انا خلاص قلبي كان يوجعني بس قلت يابنت خذي الرقم ودقي عليه من جوالك عشان تتأكدي يمكن

انت تضلميه المهم اخذت الرقم على جوالي بسرعه ولستنيت الين ما طلع من البيت واخذ جوالي ادق على الرقم من


الظهر الى المغرب مقفل المغرب فتح دقيت ردت علي بس تسكت الى ما تسمع صوتي وتقفل وارجع ادق وتسوي نفس


الشيء الى ان جاء زوجي من عمله المهم استنيت الين ما دخل لحمام الله يعزكم واخذت جواله وافتشه واشوف رسايل


في المرسله لرقم جديد بس مسميه بأسم ولد مرسل كلمات حب ومرسل رساله شكلك مشغوله يا قلبي اكلمك بعدين


انا خلااااااااااااااااااااص حسيت نفسي غبيه وهبله وتافهه ومني عارفه اتصرف ودعيت ربي يارب ساعدني يارب الهمني


اش اسوي يارب المهم طلع من الحمام وجهزت العشاء وجلسنا وهو يكلمني وانا مني قادره ارد عليه مني قادره اطالع في


وجهه وجلست ادقه بالكلام الين ما انفجرت قلت له انت تكلم بنات من وراي وانا شوفت جوالك وقام يحلف لي استغفر


الله يحلف بالله كذب ويقولي حتى شوفي جوالي اجي اشيك على الرسايل الا قد مسحها كلها المهم قلت له انا عارف


الرسايل اللي ارسلتها وقلت له الرسايل والاسم وعرف اني عرفت كل شيء قلت ه وديني عند اهلي خلاص اللي بيننا


انتهى انت من طريق وانا من طريق وجلس نفس الشيء يبكي ويقول هذا الشيطان ضحك علي وانا ما راح اعيدها


واوعدك اني ماراح اعيدها وحلف بالله وقسم بالله اني ماراح اكلم وانا نفس الشيء استحملت وقلت يالله يا بنت استحملي


عشان ولدك السالفه لها شهرين وانا لحد الحين مني قادره اثق فيه احس انه كذاب في كل شيء قولوا لي اش اسوي


كيف اعطيه درس عشان ما يعيدها