اللي تحس انها مضايقه تدخل

انا مو متضايقه بس حاسه بطفش من الروتين اليومي ودي حياتي تتغير ولوشوي كل يوم نفس اليوم اللي قبله حتى فيني كسل هالأيام مالي نفس اسوي ولا شغله في البيت الشغل تراكم على ظهري وانا بس اتفرج ويدي على خدي من الطفش

اي والله انه طفش طيب تخيلوا انا في منطقه بعيده عن اهلي ولا طلعه ولا جيران يطلعون لي شهرين جالسه بالبيت لحالي عندي 2بنات حتى العيد والله جالسين لحالنا وعلى كذا احس زوجي مايحس فيني هويطلع يدوام اكيد انه بيسولف ويغير جوا وانا اه اه اه مدري وش اقول

انا ولله الحمد بخير بس احس اني مقصرة بحق ربي صلاة الظهر ااخرها والسنن احسني مغفلتها هالايام الله يتوب
وكمان افكر لاني متملكة وزوجي والله ماعرفته الا يوم خطب ولا شوفة ولا شي والعرس في الصيف يعني الله يعيني محاتاة لين الصيف طبعا افكار لواقولها تضحكون خخ
المهم مشكلتي لاني ماعندي شي مثلا قبل فترة كنت في دار تحفيظ الحين صارت بعيدة وبرد ومتعيجزة مرررررره الله يتوب علي ولا الوظيفة ماافكر فيها مااتخيل اروح لدوام صباحي
وحتى السوق مااحبة وصراحة قعدة البيت تخليك متنحة بقووووووووه
اقول ماانعطى وجه مع السلامة

والله طفش وروتين ماعندي شغاله وعندي بنت صغيره

وابي بيتي نضيف 24 ساعة

اووف طفش وملل استغفر الله بس صار كل همنا تنظيف وتفكير بالتنظيف وبس حتى مايمديني اطلع من بيتي

فيني ضيقه اخاف اني اموت وانا ماارضيت ربي كامل الرضاء

فيني ضيقه من اللي يصير بالدنيا من زلازل وحروب وفيضانات وامراض

فيني خوف ورهبه

فيني ضيقه من البنات اللي ينزلون مواضيع تخوف وترهب


فيني ضيقه والحمدلله على كل حال (ودي بالحمل واجيب نونو ينسيني الدنيا)

يارب يارب يارب ياحيي ياقيوم ترحمنا برحمتك يارب وترزق كل من يرد الذريه عاجلا غير اجل

ادعولي بنات بتفريج همومي والذريه الصالحه وتسخير زوجي

وربي يطول بعمر اهلي وعمري وعمر زوجي ومانموت الا وه راضي عنا اتم الرضاء يارب

<<<<<<<أأأأه بس