صبحكم الله بالخير يا حلوات..
نومي ملخبط فقلت خلني اسهر مع عالم حواء في موضوع اشوفه مهم جدا :30:
وانا متاكدة انه لو تبعنا هالموضوع نص مشاكلنا اذا مش كلها راح تختفي وتصير تافهه بنظرنا
انا ما راح اكلمكم بصيغة الجمع >> متعوب عالكلمة :icon20: راح اكلم كل وحدة فيكم كلام في الصميم
اي انتي انا قاعدة اتكلم معك.......... :angry2: لو سمحتي عينك في عيني وانا اكلمك.... انتبهي
كم مرة حسيتي نفسك انك فاشلة ؟؟ اي فاشله الكلمة قوية صح.. بس هل جاك هالاحساس ؟؟
انه كل الناس اللي حولك ناجحين في حياتهم ومتوفقين.. وانتي فااااااشله محلك سر.. حياتك بدون قيمة "النــــآس احسن منك بكثيررر وانتي ولااااااااااا شيء تسوين معاهم ؟؟
يالطالبة..!! اللي تشوفي اللي معاك ناجحين وانتي راسبه.. درجاتهم عالية وانتي عالحافة... تجيهم شهادات تفوق وانتي تهزئة..دخلوا احسن الجامعات والكليات وانتي قعدتي بالبيت باختصار تشوفي الناس احسن منك وانتي ولا شيء معاهم ؟؟
ياللي قاعدة في البيت.... ما كملتي دراستك ولا توظفتي ولا جاك نصيب..... اهلك مقللين من شآنك وتسمعين كلام يسم البدن وانتي طالعه وانتي داخله.... يقولو لك فاشله وما منك فايدة... تشوفي الناس احسن منك وانتي ولا شئ معاهم ؟؟؟
ياللي موظفه.. حياتك كرف وتكرفين في الدوام وترجعي البيت تكرفي فيه.. وزوجك مش مقدر...وشال يده من مصاريف البيت صار معتمد عليك ووانتي تعبتي نفسيا من الكرف بس لا تقدري تخلي الوظيفه ولا تقدري تقعدي بالبيت... تشوفي الناس احسن منك ؟؟؟؟
ياللي "عازبة" تعبتي وانتي منتظرة قطار الزواج... صار الزواج هاجس بالنسبة لك.. حتى لو انتي مو مستعجله تعبتي من تعليقات الناس ونظرات الشفقه.. واتهامك بالعنوسة... وتعليقات الاهل وضغطهم ف البيت... وصرتي تشوفي المتزوجات احسن منك ؟؟؟؟؟؟
ياللي متزوجه... وبينها وبين زوجها مشاكل... ونكد..صارت الحياة في عيونك سودة... وتعبتي من غدر زوجك.. من خيانته من بخله من عنفه...وكرهتي جنـس الرجال...صرتي وردة ذابله بعد ما كان املك كبير في الزواج وكنتي فاكره انه سعادة ابديه.. مافيها مشاكل .. بس انصدمتي بالواقع.. وصرتي تشوفي اي متزوجه ثانيه احسن منك وانه حياتها افضل منك..؟؟؟
لو كملت كلامي راح تطووول القائمة وما راح يخلص الموضوع....
للمطلقه... للارملة... للام، للمريضه باي مرض... للي تعتقد انها مش جميلة.... للي تشوف حظها اسود وفي الارض وحظ غيرها احسن منها...للي تشوف البنات عايشين حياتهم وهي لا.. تشوف السعادة والابتسامه في عيون الناس وهي حياتها سودة وذابله.... باختصاااااار
لكل وحدة تشوف غيرها احسن منها ..... للي دائما تقارن نفسها بغيرها.. وتقول انا ويني من فلانه ولا ويني من البنات...
فلانه احسن مني... عندها جمال عندها لون عندها جسم عندها شعر عندها فلوس عندها زوج... عندها اهل... عندها وظيفه... عندها......ألخ
حبيت اقول لك وينك من هالمثل... اكيد سمعتيه بس عمرك ما تاملتي فيه وطنشتيه...اليوم اقولك دقايق من وقتك تأملي بس فيه وفكري شوية
القناعة كنز لا يفنى
:icon31: شكله ما اثر فيك ولا تاملتي عدل اقول ارجعي فوق وتاملي :mad2:
طيب شوفي هالصور وفكري فيها كويس
حبيبتي...
البنت اللي تشوفيها جميلة وفيها مواصفات كل الشباب... كلن يتمناها..... يمكن ماعندها حظ في حياتها
البنت اللي متزوجه واحد غني ووسيم وسفرات وتمشيات وهدايا وماركات...يمكن زوجها عنده مشاكل خاصه يمكن ما يجيب عيال والامثله كثييييييييييرة الخ
اللي تشوفيها احسن منك في كل شئ يمكن تتمنى شي موجود عندك وانتي ما تعرفيه....اللي تشوفيها سعيده قدامك يمكن حياتها تعيسه... احنا ما نشوف من الناس الا الظواهر فقط.. ولو دخلنا قلوبهم
والله راح نحمد الله على اللي غندنا ونقتنع بانه حياتنا الحمدلله زينه
مهما شفتي عند غيرك... اقتنعي باللي عندك... انتي احسن من ناس..
طبعا يابنات عشان لا تجي وحده وتفهمني غلط.. انا ما اقول ان اللي في حياتها مشاكل او اشياء معينه تقتنع فيها وخلاص تقول كذا انا اقتنعت لا اسعي للاحسن وشدي حيلك وابذلي اللي في استطاعتك....
بس ما تحبطي نفسك وتخلي حياتك عباره عن مقارنه بالناس.... هم عندهم وانا لا هم احسن وانا فاشله وانا ولا شئ
انتي فيك شي مميز صدقيني... كل وحده فيها ميزة.. وعندها شي احسن من غيرها.. واللي المثل اللي يقول اللي يشوف بلوة غيره تهون عليه بلوته...
الى كل وحده مقلله من نفسها.. وتشوف هي ولا شئ.. اكتبي لنا عن شي مميز فيك.. خلي كل العيوب واكتبي شي ايجابي فيك او في حياتك.... واكتبي كلمة الحمدلله.............
والرزق ربنا حكيم يوزعه كيف يشاء
(وماننزله الا بقدر معلوم)