اللي تخاف الله والحكيمه هي اللي تدخل

السلام عليكم ورحمتة الله وبركاته
ابي استشير خواتي اللي قبل ماتكتب ولا حرف تراعي خوفها من الله سبحانه
انا مطلقه من زواج استمر 11 شهر بس
وكنت متزوجه رجل متزوج وكان ممثل درجه اولى ان سبب زواجه مو عيب في اخلاق زوجته لا بل يبغى اطفال
جارتي الله يذكرها بالخير ويسخر لها جابت خمسه وصار عندها تكسر شديد بدم صار صعب جدا الحمل لها
وجارتي الله يسعدها ماضرتني بشيء وكانت تقول لوحده من خوات طلقي ان دخولي عليها خير لها
كان شديد عليها واحيانا يجلسون 3 شهور مايكلمون بعض ومن غير اسلوبه الجارح
من تزوج عليها صار يعاملها معامله حسنه وصار يداريها ويبغى رضاها وصار يحترمها
هو صعب التعامل معه يعني متقلب المزاج وسيء المعشر ولسانه متبري منه
المهم صارت تطلع على كيفها هي وبناتها اذا مو يومها مافي ولا مكان ماتروح له شافت الحريه
اما انا تحملت قسوته واتخذت قرار اذا تميت سنه ان شاءالله راح اطلب الطلاق لانه لايطاق ...لانه يعاني نفسيا وكتوم
لانه ابوه مطلق امه وعاش بعيد عن الام والاب
وبعدين عاش عند ابوه وقاسى ظلم زوجات ابوه
المهم هو طلقني من نفسه وانا كنت انتظر اليوم هذا باي وقت
والحمدالله
المهم جارتي ارسلت اخت طليقي وقالت انها ماشافت مني الا مل خير وتدعي اي بالتوفيق وان ربي يعوضني خير
وانا ادعي لها ان ربي يسخر لها زوجها ويهديه ويحسن اطباعه لانه بعد الطلاق راح يرجع على طبعه السيء معها ..ابو طبيع مايجوز عن طبعه ..
المهم انا طلعت من العده
وتقدم لي معددين واحد مطلق
واحد من المعددين كلم ابوي وانه شارينا
توقعون اذا وافقت على معدد ... تكون مجازفه مني يعني مخااااااطره مرعبه
المطلق له اربع اولاد واكبر عياله 16 سنه ومسكنهم مع امهم ويدفع اجار البيت يعني ماحب تكون بعيده عن اولاده
طلبت انا من اخته اذا اوافق فيه شرط عندي
يرجع ام اولاده على ذمته لاني مااتحمل اربي عيال غيري مراح اعطيهم مثل امهم مهما كان لام مالها بديل
يعني بالعربي اتحمل غثاء جاره ولا اتحمل اطفال
توقعون تصرفي خاطىء
والله خايفه منهم كلهم المطلق والمعدد
اللي بترشدني باسلوب جميل بعيد عن النرفزه الله يوفقها ويسخر لها زوجها
اما اللي تتخيل ان المعددين اللي متقدمين لي زوجها 😶وتجرحني الله يذوقها من مر ماذقته وتدور عليها الدنيا واشوفها مطلقه ومتقدم لها معدد وتكتب بالمنتدى وش رايكم اوافق على معدد وتذوق
طعم القهر والضيم لان هذا مو بيد بني ادم هذا قضاء وقدر والمكتوب على الجبين تشوفه العين
والشماته خطررررره لان الحووووبه مررررررره
اما اللي تدعي وتقول لاتبنين سعادتك على سعادت غيرك ...... اقولها الله ماشرع التعدد الا رحمه لنا والدليل جارتي السابقه
وانا مابعد اخترت
بنات اللي تعرف وحده تطلقت من معدد واخذت معدد
كيف اتخذت القرار
(( احسها سوبر ومين .... المراءه الخارقه ))
اما اللي وافقت على مطلق كيف تحملت اطفاله
انا الحمدالله حنون على الاطفال وحبهم بس من بعيد لبعيد حتى عيال خواتي واخواني احبهم وابوسهم واشتري لهم هدايا بس مااحب يتلزقون فيني ولا اتحمل يخلونهم عندي
واللي خايفه ان المعدد اللي متقدم لي زوجها 😄😂
تجيب لي خاطب غيره ذو اخلاق ودين ومطلق بدون اطفال
ابد مراح اوافق على المعدد 😆😆😆😆😆
بس شرط من xxx ولا xxx ويكون اسمرااااني مملوح 😍😍😍
عاد شدو الهمه 😂😂😂😂
اجي للجد والله خايفه اني اعيد تجربه واصير سبب تقرب زوج لزوجته وانا اطلع منها على بلاطه
او اخذ مطلق باطفال ولا يتقبلوني مكان امهم لاني ماجربت الامومه ولا اعرف حب واهتمام الام بعصافيرها
اشكوا الله
يارب اكتب لي الخير وكل من قال امي