اللي تدخل موضوعي لها دعوه بظهر الغيب ...ولدي !!!!!

السلام عليكم

ببدا معكم بالموضوع على طول

يا امهات يا اخوات اللي عندها خبره تفيدين او اللي تعرف كتاب يخص موضوعي اللي بكتبه لكم ينفعني ويساعدني تقولي عنه جزاها الله خير
عندي ولدي الله يهديه ويصلحه عمره 11 سنه قلبه طيب وحنون بس عيبه عنيد مررره وعنده فرط حركه يحب اللعب والنط بكل مكان ويتعبني باللعب مع اخوانه لعب خطير يشيل الواحد ويقلبه يخلي راسه تحت ورجول فوق ما يلعب معهم الا لازم يبكيهم كلمته بالطيب بالهداوه بالقوه عاقبته بالحرمان من البلايستيشن وابوه عاقبه بسحب بطاقة الاشتراك الرياضي
وعاقبه بالحرمان في بعض الاحيان ماياخذه معاه الاستراحه جربت مع الوعود والمكافئات والهدايا اذا حسن من سلوكه نجيب له اللي يبي تجيب معه نتيجه مؤقته فقط
انا والله صرت اخاف من لعبه مع اخوانه يسبب لهم اعاقه لاقدر الله او اي ضرر لانه مرررره شديد معهم باللعب
صرت اعصب عليه واصراخ عليه واذا شافني زعلت يتركني شوي ويرجع يبوس راسي ويديني ويتعذر مني ويقولي ما اقدر انام وانتي زعلانه ومن بكره نرجع لنفس الموال
تعبت من عناده معي كثير امور اقوله عليها ويرفضها ولا كأني قلت له شي
انا شخصيتي حنونه مع عيالي ( وهذا ماهو مدح بنفسي شهاده من اللي حولي من الناس) ابوسهم بشكل يومي وبتكرار احظنهم العب معهم
ملاحظه هو محبوب بين جماعتنا من وقت كان صغير كل اللي يعرفه يحبه الحريم والرجال سوالفه تضحك كلامه اكبر من عمره وكلهم عارفين عن لاقافته وشقاوته الزاااااايده