:: اللي تراجع في الكورنيش تجاوبني ::

انا اراجع هناك..

اول شي اذا انت ما عندج ضغط وسكري او اي امراض يفتحون الملف من الشهر الرابع..

ولازم تاخذين معاج صورت جوازج وجواز الزوج... وعقد الزواج...

اول موعد بيكون فالعياده العامه... وبيسوولج موعد للصوره...والمواعيد كل شهر مره ويعدين كل 4 اسابيع.. وبعدين كل 3 وبعدين 2.... طبعا فالشهور الثلاث الاخيره.. وماعندهم زحمه... تدخلين على الموعد.. لانه كله بنظام.... والدكتورات متعاونات وايد....

وتقدرين اتحولين العياده الخاصه يعني دوم اتراجعين عند نفس الدكتوره...

واذا على الاجهزه... ما ادري بس هم دوم بسوون التصوير العادي.. السونار...

بس لازم اتراجعين عندهم احسن يعرفون حالتج من البدايه.... ويسوون افحوصات دوم يعني كل موعد لازم فحص بول وضغط... ووزن....انا عن نفسي اشوفهم احسن عن الخاص....

لان الخاص مو كل موعد فحص... وبعدين التصوير دوم مو زين للبيبي....وهم يسوونه مرتين اول الرابع واخر الثامن....

السلام عليكم ..

انا بعد اراجع في الكورنيش و مثل ما قالت لج اختي ورد جوري انهم وايد زيينين و كلامها كله صحيح و بالنسبه للتصوير الرباعي عندهم و وايد واضح بس ما يعطونج سي دي يعطونج صور للذكرى و الله يسهل علي و عليكم ان شاء الله ..

صراحه أنا أشوف انه مستشفى الكرونيش وايد زيد خصوصا انهم يهتمون بكل شيئ يخص الحامل ومرت عليهم حالات وايده لهذا السبب تلاقينهم يعرفون كل شيئ يخص الحامل من أمراض أو مشكلات
والله يسهل عليج

هلا أختي رقصة المطر ،،،
للحين ما فتحتي ملف عنده ، أنا الأسبوع الياي بروح أفتح عندهم ملف ان شاء الله ، لأني خلاص دخلت الرابع ،،،

هلا أختي ورد جوري.. مشكووورة عزيزتي عالمعلومات..يعني تنصحيني افتح عندهم؟ بشوف على الاسبوع الياي انشاء الله شجعتيني اروحلهم:)

هلا أختي مدام وردية .. جزاج الله كل خير عزيزتي :) .. ابي صورة اهم شي احطها في الألبوم.. انا انشانة تحب الذكريات هههه بس اهم شي المعاملة الزينة

هلا أختي ملكة الحلوين. فعلا صدقتي في انه تمر عليهم وايد حالات وانهم متخصصين في الشي هذا..بارك الله فيج ..

هلا بعزيزتي أم منوعي.. شحالج؟ وكيف الوحام معاج؟ انا الحمدلله واايد خف.. والسونار قبل كم من يوم يقول انا 13 اسبوع و 4 ايام!! يعني اليوم 14 اسبوع و يوم! غلط صح!!!
والكورنيش يوم رحتلهم كنت شهرين وقالت لازم تكملين 3 .. ومن يومها مارحت.. اللي تفتح الملفات وحدة ما عجبتني وكرهتهم!!مشكووورة أختي ..
شو رايج في مركز أل نهيان للأمومة والطفولة؟؟

الله يسهل علينا وعليكم يارب.. ويثبت الحمل.. ويجعله كامل الخلقة من غير زيادة ولا نقصان..

ولا إله إلا أنت سبحانك إني كنت من الظالمين..