الله يجزاك بكل خير يااختي ووالله هذا الموضوع على بالي وودي اكفل بنوته واربيها انا وزوجي بس المشكله مافيه احد بيرضعها عشان تصير لزوجي محرم اذا كبرت لكن ربي ييسرها واكفل ووقتها راح اوافيكم بالتفاصيل بس مااعتقد انه بيكون في الوقت الحالي لان زوجي مشغول بدراسته وراح يتفرغ بعد سنه الله يوفقه...بس حبيت اسألكم اهل ازواجكم كيف كانت رده فعلهم؟؟

الله يكتب لك الاجر يارب
والله اني اتمنى في تربية الاطفال اليتمى لكن زوجي الله يهديه
يقوال صعبه لان الطفل بيكون حساس في مسئلة مين ابوه وامه
مع العلم ان عندي ولد لكن والله الي يعلم فيني اني احب الاطفال موت
وودي اربي الي الله كاتبه لي علشان الاجر

اخواتي الحبيبات انا رح اكتب لكم قصتي بس من اجل انكم تستفيدو وتتشجعوا وتدعوا لولدي انه يكون من عباد الرحمان الصالحين المخلصين

اخواتي انا من فرنسا تزوجت والله مارزقنا بالذرية عملنا عملية التلقيح الاصطناعي ويوم فشلت قررنا نكفل يتيم ومن ذاك اليوم بدانا جاهدين في العمل والبحث حتى وجدنا ما نبحث عليه ووفقنا الله سبحانه وتعالى لذلك

حبيباتي الله رزقني بولد بهي الطلعه ماشاء الله عليه هو لقيط ولله الحمد على هذه الهدية والمنة من الله سبحانه وتعالى انا كفلته مش من فرنسا بل من بلدي الاصلي وهو الان عنده سنتين وهو اجمل شئ في حياتي والله بيتي تغير بوجوده وصار له طعم ثاني والله يا بنات مرات ما اصدق اني مش انا الي ولدته لاني كفلته في اسبوع من ولادته

كل شئ تغير في حياتي وبركة عمت البيت بفضل الله سبحانه وتعالى واشبع لي غريزة الامومه

والله ما اقدر اوصف لكم حبي له وتعلقي به انا ناويه اخبره عن كل شئ في سن مبكر لكي تكبر الفكره معه واخواتي صدقوني ان ربيتوهم على الدين رح يتقبلو قسمة الله سبحانه وتعالى

اخواتي اي سؤال انا جاهزة واسفه على تعبيري السئ لاني مش قوية في العربي

على فكرة ابني رضعته اختي وكمان انا ناوية على بنت ان شاء الله ورح ترضعها اختي كمان

بارك الله فيكم وشاكرة الاخت على الموضوع

جزاك الله خيرااااااااااااااااااااااااااااا

السلام عليكم


أشكرك على طرح هذا الموضوع


بصراحه أختي من زماااااان ودها تكفل يتيم .,. بس بصراحه عقدوها .. قالوا لها الشروط ماتنطبق عليك . لأنه لازم أصغر طفل عندها يكون عمره 12 سنه !!!

قالت طيب كيف أرضعه .. قالوا أطلبي من قريباتك يرضعونه !!

لو رضعوه قريباتها .. كيف يصير محرم لبناتها !!


وطلبوا منها تراجع الوزاره بالرياض .. إتصلت بالرياض ,, قالوا لها : بالنسبه لشروط العمر ماعليه نمشيها .. لكن أنتي موظفه ,, والموظفه مايسمح لها !!! وقالوا أثناء غيابك عن البيت من يرعاه ؟؟


وخيروها بين الكفاله أو الإستقاله من الوظيفه !!




طيب ليش التعقيد .!!؟؟


يعني ألحين كل اللي كافلين أيتام .. طول ال 5 ساعات يرعونهم .. يعني ربة البيت ماتكون نايمه للساعه 1 الظهر ..


حتى والله أنها قالت لهم .. الإعانة الشهريه (2000) ريال أتنازل عنها .. وماأبيها


بس للأسف مو متعاونين ..


يعني يمكن يكون الطفل حالته أفضل عندها من جلسته بالمركز .. !!!


الله يهديهم بس ..




تكفووون أدعوا لها أن الله ييسر لها ,, ويحقق لها ماتتمناه ..