السلام عليكم ورحمة الله ..... وجدت هذا الرابط الذي يألم القلوب وياريت كل وحدة تفتحة تجد رد لكل من يمنعها من الكفالة

http://nouf.org/flash.php?section=6&id=159

والله انا لما اطالع بنتي وربي ابكي على الايتام ومجهولين الهويه وربي ما لهم ذنب ابرياء الى ابعد الحدود .والى عنده اولاد بالذات يعرف معنى انهم من غير ام واب .انا قبل لما كنت بنت كنت ازورهم والله اطلع ابكي من عندهم بس اللحين لما تزوجت وربي عطاني اولاد والله العظيم لما اشوف اولادي يبكون دايما اتذكرهم اقول من يظمهم والله حرام الواحد يجرحهم اللحين احس تفكيري صار اعمق بمشاكلهم .ما اقول الله حسبي الله ونعم الوكيل الف مرررة على اهلهم والناس الي يجهلون قيمتهم . ومعاناة لقيطه/ قصيده مبكيه

بليلة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني
يايمه ليه تركتينــي *** بلا حس يدفينـــي
يايمه هانت دموعـي *** يايمه هانت سنيني
يادنيا وينهـا أمي؟؟ *** ليه يايمه تعافيـني؟؟
أنا ولدك أنا أنتي *** أنا ياكيف تنسيني ؟؟
أنا شسويت يايمه *** أنا شذنبي أنا شفيني
أنا غلطان يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيــني؟؟
ياليتك قبل ما أحيى *** أنابجوفك قتلتينــي
أنا شسويت يايمه *** أنا شذنبي أنا شفيني
يايمه أحلف بربـي *** دعاء منك يحمينـي
يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني
يهون عليك يايمه *** بلا أسم تخلينـــــي
أنا ساره أنا نوره؟؟ *** أنا كيف بتنادينـــي
أحس ببرد يايمه *** أبي صدرك يدفينــي
أحس بخوف يايمه *** أبي قلبك يغطينـــي
أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتينــي
وكنت أسمع صدى نوحك *** يوم أنك ولدتيني
أبد ماهانت دموعك *** يوم أنك بكيتيـــني
يايمه أسألي سجودي *** بأعلى الصوت يدعيني
يايمه أسألي ركوعي *** من حالي بيرثينـــي
يايمه أسألك أنتــي *** الى يومك تحبينـــي
يهون عليك يايمــه ..*** بثوب العار تكسينــي
يهون عليك هالعالم *** لقيط الدار يسمينــي
يايمه سامحك ربـي *** يوم أنك شقيتينـــي
يايمه سامحك ربـي *** يوم أنك خذلتينـــي
يايمه سامحك ربـي *** على مر جرعتينــــي
يايمه أنتي مو أمي *** أنا أمي ما تخلينـــي
ياأنتي أيه ياأنتي *** أبي تنسي عناويــنـي
وأبي تنسين يــوم *** أسود يوم أنك ولدتيني
وكل يومي أنا بدعي *** لباس الصبر يكسينــي
وأنا مؤمن برب الكون *** خلقني مايخلينــــي
وأنا مؤمن برب الكون *** خلقني مايخلينــــي
**************************************************
ياااااااااااااارب رحمتك وغفران

هذي قصيد قريتها بالنت وحاولت انقلها لكم ....:26:

الله يجزى الجميع خير

فهمتى غلط هاذى احاسيس موانا ...:26:


رديت عليكى بالخاص:26:


راسلينى على الخاص او احاسيس .:26:



اللهم اميييييييييييييين .....مشكورة على التذكير........:26:


وعليكم السلام ....جزاكى الله خير على اضافتك وربى كلمات تقطع القلب:(




وياكى ........ ممكن تقولى تجربتك لما كنت تزوريهم ... بالتفصيل اذا ممكن مع رقم واسم الدار ؟؟؟:26:

انا الدار الى كنت اروح لهم فيها مش بالرياض وكنت اروح لهم لني متطوعة اجلس معاهم واعلهم امال يدوية ورسم ...لكن زوجي سعودي واثنين من اخواتة كافلين بنتين واحده عمرها اربع سنوات والثانية سنة .واختة الكبيرة خلفت بنت بس بعدها صار لها سنين ما خلفت ومن كذا اخذت بنت مجهولة الهوية والله انها تدلعها اكثر من بنتها الى جابتها من بطنها وحتى جايبة لها مربية خاصة لها وقت ما تكون هي بره او مشقولة وتسفرها معاها والكل مستلمها تعليقات بس هي شخصيتها قوية ما يهمها من احد...واخته الثانية عندها 5 عيال بس اصغر اولادها عمره عشر سنوات وجابت بنت صغيرة اللحين ممكن عمرها سنه او اكثر وربي لو تشوفون فرحتهم بها طايرين فيها ولما تدخل البيت على طول عليها والله تحبها موووت لا بعد خفت زياراتها تخاف تسيبها مع الشغالات يظربونها للعلم اولادها كانت تسيبهم ....بس والله احس انهم زي الملائكة..
وعرضت الموضوع على زوجي بس رفض يقول انتي عيالك تظربيهم وماتستحمليهم ....بس الفكرة ببالى قبل لا اقراء موضوعكم وسمعت انهم يرضون اذا كان الاب سعودي بس احاول اقنعة.