اللي ترد بسرعه...بدعي لها من قلبي

يا اختي ندى غلط غلط غلط في كل مره تبدئين في خلطه ووصفه يديده وتتركين الي قبله.. الشعر ما بيتحمل وهني بيتساقط أكثر وأكثر..

النصيحه انج تستمرين في خلطه وحده طوال فترة شهرين او 3.. وبعده تستطيعين تغييره.. ام اسبوعيا هذا غلطططططططط.. :(

أنصحج بانج تبدين:
1- بشرب الحليب كثيرا+ أكل الجرجير والخضروات الخضراء..
2- عمل حمام زيت ( منتج واحد ولا تغيرين كل اسبوع حمام زيت مختلف) اسبوعيا..
3- استقرار في زيت واحد او خلطه وحده افضل لج..

ممكن اتخبريني شو هي نوعية شعرج!؟

هلا أختي ندى .. الله يعينك .. لا تنسي الفيتامينات من الصيدلية .. مثل حبوب الخميرة .. وانصحك تسوين فحص دم وتشوفين النقص اللي عندك وشو هي الفيتامينات اللي محتاجتها ...
جربي عصير الجرجير على شعرك ... حزمة أو أقل من الجرجير وشوية ماء واخلطيهم في خلاطة العصير وافركي فروة راسك زيييييييييييين .. ودلكي تماااام .. استمري اسبوع وانشاء الله التساقط يروح ..

ندى

اهلين حبيبتي

اش رايك تجربين البصل للتصاقط
تصدقين انا شعري يتسااااااااااقط وخفت اني اصير قرعه
وجربت البصل - احط بصله وشوي ماء واخلطها في الخلاط
واحط البصل في الليل وانااام ولما اصحى اغسل شعري
والله خف التسااقط كثير والحمد لله
انا استخدمها ثلاث الى اربع مرات في الاسبوع
واستخدم الكثيراء مرتين بالاسبوع وبصراحة رووعة

ان شاء الله اكون افدتك ياندوو
وياريت تدعين لي من قلبك لاني فعلا ومحتاجة لدعوة صاادقة في ظهر الغيب

واي سؤال انا حاضررة

اختي العزيزة ندى
اسمحي لي اقولك غلط انك تستخدمي كل يوم وصفة ويمكن هذا هو السبب الرئيسي لتساقط شعرك
عموما خلينا نبدأ خطوة بخطوة
اول شيء تسويه روحي على الروزنامة وحددي تاريخ اليوم انك راح تبدأي برنماج لشعرك مدته 3 شهور
تمام :::::
اليوم تاريخ 1/10 يعني يوم حلو بداية الشهر :::
على فكرة انا بقولك على طريقتي ولكني ما اعرف نوعية شعرك جاف ولا دهني نوعية الشعرة خفيقة ولا متوسطة ولا خشنة ما ادري
بس بقولك انا طبيعية شعري وانتي على كيفك عجبتك طريقتي لا اتبعيها ما عجبتك لا تنسيني من الدعوات لأني تكسرت اصابعي وانااكتب لك
ههههههههههههههه

المهم :::
المكونات المطلوبة :::
* زيت الجرجير
* زيت عافية
*راس ثوم
*زيت نارجيل C.B.Cعلبته خضراء معدن

الطريقة :::::
شوفي حبيبتي :::
البرنامج تستخدمي نوعين من الزيت :::
الزيت الأول مكوناته كالتالي :::
تخلطي زيت الجرجير وزيت النارجيل بكميات متساوية وتحطينهم في علبة بلاستيك

الزيت الثاني
تجيبي راس ثوم وتهرسينه زززززززززززين
وتخلطي زيت النارجيل مع زيت العافية وتضيفين له الثوم المهروس وشويه تسخني الزيتين وتحطينهم في علبة بلاستيك ايضا
وتخلينهم مدة يومين ولا تنسي ترجينه كل 4 او 5 ساعات
بعد اليومين تصفين الزيت من الثوم وتستخدمي الزيت :::

طريقةالإستعمال :::
في المشاركة التالية
كخخخخخخخخخ

رجعت لك من جديد :::
شوفي انا بكتب لك ايام الأسبوع وايش تسوين فيهم :::اتفقنا
الزيت الأول :::: الجرجير + النارجيل

الجمعه :: بعد ما تغسلين شعرك تخلينه ينشف وبالليل قبل لا تنامي تدهني شعرك شيء بسيط ابتداء من الجذور لكن لا تكثري مع التدليك المستمر

السبت ::::
تمشطي شعرك وتزيدي الزيت شوي لكن ها شيء بسيط لا تكثري ودلكي شعرك

الأحد :::::
نفس الشيءلكن زيدي من كمية الزيت علشان بكرا الصباح الإثنين بتغسلينه مع التدليك اهم شيء لا تنسيه

الإثنين ::::::
يصبح الصبح تغسلي شعرك بالشامبو اللي يناسبك مع حمام الزيت اللي يناسبك ايضا ولما ينشف شعرك حطي له زيت لكن ايضا بكمية بسيطة جدا ..

الثلاثاء ::::
ايضا دلكي شعرك لكن لا تحطي له زيت فقط تدليك

الأربعاء ::::
سوي زيت الثوم والنارجيل وعافية وخليه لمد من 2 الى 3 ساعات واغسلي شعرك بعددها

الخميس ::::::
سوي الزيت الأول الجرجير + النارجيل بكمية بسيطة

وهكذا استمري

وصدقيني راح تلاقي النتيجة اللي تسرك

انا اسويها صار لي الحين اقل من شهر والله اني ما كذبت عليكي وشعري طول وصار ملمسه ناعم ويلمع

:::::::::::::::
صدقيني انا ما بقول عن نفسي خبيرة او شيء لكن هذا عن تجربة فعلية واقعية انا اعيشها حاليا طبعا البرنماج يفيدك اذا كان شعرك من جاف الى عادي
اما اذا كان دهني فإعذريني ما عندي طريقة للشعر الدهني

واتمنى انك تدعي لي ان الله يسهل لي اموري ويرزقني الذرية الصالحة يارب

واشكرك