اللي ترد علي لها دعوه خاصه اخر الليل

السلام عليكم ورحمة الله اخواتي الكريمات سأطرح مشكلتي واتمنى منكم ان تساعدوني
قبل سنتين تقريبا إستقدمت خادمه سريلانكيه لخدمة امي
هذه الخادمه غير متزوجه مخلصه وعملها جيد لكنها كذابه ( استغفر الله ) لم اكن ارهقها بالأعمال وكنت احضر لها جميع اغراضها من مالي الخاص وكنت اعطيها راتبها كل شهر اولا بأول في مرة من المرات زارتنا اختي واحضرت خادمتها لأول مره وهي مثلها سريلانكيه وجلست اختي عندنا شهر ثم ذهبت الى بيتها في هذا الوقت خادمتي تم لها عندي سنه كامله بعد سفر اختي بإسبوعين خادمتي قالت اريد ان اتصل بأمي وابي ( وهي نادرا ماتتصل عليهم )
المهم اتصلت بهم ثم جاأتني تبكي تقول ماما وبابا فيه موت لازم سفر ( على فكره كنا في شهر شعبان) وقالت ماما بس انا يشوف بعدين يجي لاتخافين فيه يجي بس اسبوع يجلس في سريلانكا
المهم انا بكيت معها ورحمتها قلت خلاص ابشري بالسفر وجلستها وصرت اشتغل عنها انا لاحظت انها مستانسه وتضحك وتكلم شغالة جيرانا يعني مبسسسسسسسسسسسسسسسسسوطه ماكن ميت لها احد انا من طبعي ارحم الشغاله واحسها بذمتي رحت شريت لها شنطه جديده وملابس جديده وجزمه ورحت وسويت لها تذكرة خروج وعوده وعلى فكره تذكرة الخروج على حسابي وتذكرة العوده عليها وكان عودتها في 21 رمضان 1429
ويوم سفرها عطيتها ملابس جديده وفتشت اغراضها لقيت معها صورة رجال سريلانكي ارتبكت لما سألتها قالت عطتنيها شغالة ( اختي ) انه ماتزوج ويدور زوجه وفتشت في اغراضها لقيته سارقه من إكسسواراتي المهم طنشت كني ماشفتهم قلت حلال عليها لأن كل إكسسواراتي من ابو ريالين وابو عشره وانا طالعه انا وياها من البيت مريت محل ابو ريالين وشريت لها إكسسوارات بحدود 20 ريال وقلت لها شوفي اذا جاء 21 رمضان وانتي ماجيتي لاعاد تجين ابجيب خدامه ثاني قالت ماما لاتجيبين أبجي وعطيتها رقمي ورقم اخوي ورقم اختي قلت اذا كنتي بتجين دقي على رقمي اذا ماحصلتيني دقي على اخوي او اختي المهم سافرت وكنا قبالة رمضان وسبحان الله اول مره في رمضان يتجمعون عيال اخواني كلهم عندي وهات ياكرف صرت كل بعد اسبوع ادق عليها ويردون اهلها وأسأل عليها ويقولون
بلإنقليش النمره غلط جاء 21 رمضان ولاجت لما جت ليلة 29 رمضان الناس تصلي وتعبد الله واللي يختم في القران وانا قاعده اكرف في المطبخ والبيت والغسيل لإن مافيه إلا انا البنت الوحيده في البيت وزي ماقلتلكم بيتنا بيت عائله
وعندي عيال اخواني شباب يبون طبخ وفلة حجاج المهم ذيك الليله خلصت من شغلي 11 ورحت ونمت شوي ثم قمت اصلي ومن حرتي وقهري منها دعيت عليها قلت وانا ابكي يارب ان كانت كذبت علي في سفرها يارب انتقم لي منها جاء شوال وبما أني موظفه رحت اداوم وامي في البيت وقلبي مع امي خصوصا انها كبيره في السن ورجلينها تعورها صارت مرة اخوي او اخواتي يتناوبون عليها
تسلفت مبلغ من المال وقلت ابشتري خدامه وصرت ادور لما جاء 25 ذو القعده لقيت خدامه مناسبه وشريتها
يوم 27 ذو القعده صار جوالي يدددق كثير ولما اجي ارد ينقطع واثر الرقم من سريلانكا
وكان جوالي ذيك الفتره مقطوع
المهم طنشت بعده بيوم صار يدق علي رقم من الرياض واجي ارد ينقطع وادق عليه من رقم ثاني يصير مشغووول
المهم سئلت الإستعلامات عن الرقم قالوا هذا من الجوازات قلت ياحرراااااااااااااام خدامتي الأوله اكيد جت تشتغل عند ناس ثانين وانا قطعت رزقها واروح اسويلها خروووووووووووج نهائي من جوازات مدينتي
بعد 6 شهور دقوا علينا المكتب الأول حق الشغاله الأوله قالوا اهل الشغاله شاكينا في سريلانكا يقولون بنتناجت للسعوديه من ست شههههههههور ولا ندري عنها قلنا للمكتب احنا مسوين لها خروج نهائي
يعني معناته ماكانت جايه لناس ثانيين كانت جايه لنا وانا قايله لها اذا جاء 21 رمضان ولا جيتي لاتجين وهي غلطت مادقت على اخوي او اختي لأن جوال كان مقطوع
انا هنا رحمتها وإستغفرت ربي عن دعوتي عليها لانها ضاعت مدري وين ودوها الجوزات الظاهر باعوها مااادري

ياأخواااااااااااااااااات ارجوكم ردو علي هل انا ظلمتها وان كنت ظلمتها كيف اكفر عن ذنبي