أمنية~ @amny_11

محررة

اللي ترد علي وتدخل عسى ربي في هالساعه برزقها ويعطيها ماتتمنى ياحي ياقيوم

السلام عليكم ورحمة الله وبركاته..

سبحان الله وبحمده عدد خلقه ورضا نفسه وزنة عرشه ومدام كلماته ..

بنات أنا بنات عمي وعماتي كلهم تزوجو وثنتين مخطوبات وحده صغيره بالثانوي ,, ووحده تقريبآ أصغر مني الفرق بينا 3 سنين, وهي بنت عمتي واعتبرها رفيقتي

المهم هذي اللي أصغر مني بـ3 سنين كنا بس مع بعض نلعب ونسولف ونفضفض وكل ششششششششي حتى أحيان كانت تقولي ماراح أتزوج الا اذا تزوجتي عشان مانترك بعض ..

المهم الحين هي أنخطبت وسووت ملكتها وتركتني قطعتني لي يمكن شهور والحين سوت أيميل وماعطتني , وأعطت وحده من البنات أعرفها صديقتي

وهذي صديقتي تقولي ترا بنت عمتك سوت ايميل وطلبت ايميلي وأضافتني وأنا أنصدددددمت قلت لها غررريبه ماقالتلي ..

عاد ورتني ايميلها قالتلي هذا هو بس لاتضيفينها أخاف تزعل ..

بعدين قلت لصديقتي طيب قوليلها ليش ماتبيني وراحت قالتلها >> وشوفو وش ردت عليها

قالت لالا ألا هالبنت (تقصدني) مابي أضيفها لأني أبي أنسى الماضي وماقدر أضيفها أخوي يهاوشني وبصراحه أنا بتزوج وخطيبي معي بالأيميل وخليها تنسى الأيام وبعد تقول لصديقتي لاعاد تذكريني بزمان وأهلي مايبوني أكلمها والحياه تغيرت أنا الحين مو مثلها بنت أنا على وجه زواج.. ( مع أنها أصغر مني وأنا أكبر منها) :(

يابنات أنصدددمت ياما كانت بمشاكل وكنت أواسيها وألحين عشاني ماتزوجت خايفين أخرب عليها وهي قطووعه كيف تقطعني وتنسى ..

حتى ماتراسلني ... آآه ليييييششششش اللي تنخطب تشوف حالها وتنسى كل شي

أنا متضــايقه

طقيــــــــــــــت أستغفرالله

بنات أبي أتــزوج

أبي أتــزوووج

أدعووولي بالزوج الصالح عاجل غير أجل ماعاد أبي أحد يجرحني أكثر من كذا ..

والله أني أطلع بالليل لحالي بالخلاء يالسطح أو الحوش وأجلس لحالي أصلي وأدعي وأبكي ومازلت أنتظرررر ..

تكفون ادعووولي الله يخليلها زوجها وعيالها اللي تدعيلي . واللي مو متزوجه ربي يرزقها زوج صالح بالقريب العاجل ياااارب ,, واللي تدعيلي الله يفرج همها ويشفي مرضاهم ياارب ..

288

10K

يلزم عليك تسجيل الدخول أولًا لكتابة تعليق.

تسجيل دخول

السالي 1 • 14 سنة

الله يرزقك بالزوج الصالح عاجلا غير اجل ويفتحها بوجهك وتشوفين السعاده على طول

هوازن الرياض • 14 سنة

تعوذي من الشيطان يا بنت الحلال ..

ترى البنات بأيام الخطوبة والزواج نفسيتهم تتغير .. ومزاجهم بعد ..

أنتي ولا يهمك .. ولا تحطين الزواج عائق وعقبة بحياتك ..

يا ما بنات ما تزوجوا لكن كونوا مكانة ومرتبة بالمجتمع تشرف .. ولاحقين .. ما خلصوا الرجال ..

خلي أملك بالله كبير واللي عند ربي قريب .. وأتركيهم من باعك بيعيه .. لا تقعدين تلاحقين وش قالت وما قالت ..

خلي علاقاتك مع الناس سطحية ترتاحين منهم ومن علاقاتهم ..

وأبدي مشوارك .. بأي شغلة تلهيك عن نظرة المجتمع المتخلفة ..

الله يكون بعونك ويرزقك بالزوج الصالح .. ويسعد أيامك ..

ام المزاييين • 14 سنة

ليش تضايقين؟؟؟؟الله لايردها هذا انتى عرفتى معدنها؟؟؟اسفليها واعتبرى ماكأن لها وجود دامها هى اللى تبغى تنسى الماضى انسيه انتى واكسرى وراه جره بعد..................
بالنسبه للزواج الله يرزقك زوج صالح حنون يهنيك ويسعدك يارب والله العظيم انى ادعي لك الحين وقت المطر الله يوفقك ويفرح قلبك باللى تتمنين.............يارب

كاسي ألماسي • 14 سنة

السالي 1 :

الله يرزقك بالزوج الصالح عاجلا غير اجل ويفتحها بوجهك وتشوفين السعاده على طول

الله يرزقك بالزوج الصالح عاجلا غير اجل ويفتحها بوجهك وتشوفين السعاده على طول

خلصت اسماءكم • 14 سنة

الله يرزقك باللي يسعدك ويهنيك