أحلام 22
أحلام 22
ي أختي من الخطأ انك تسألين هذا السؤال بالله عليك هل الناس سواء يعني فرضا انتي اربعينيه وتبين تتزوجين مطلق او أعزب قريب من عمرك تروحين تسألين هل ممكن زواج الاربعينيه من قريب من عمرها ترى السالفه مهوب احصاء عشان تقيمين النسب بينك وبين الناس لا ي أختي كل الموضوع قسمه ونصيب وهذا شئ بيد الله سبحانه وتعالى
اذا السالفه عن فلانه اربعينيه تزوجت من أعزب او قريب من عمرها ترى فيه سبعينيه تزوجت واحد قد احفادها بعد هل ذا راح نطبقه ع الكل لا
اما من ناحية الزواج البنت من فوق 35 الأعزب او المطلق اللي م عنده اطفال اللي اعمارهم ب الاربعين م يقبلون بالبنت بهالسن فما بالك بمطلقه وعندها طفل او اثنين لان الان سن الزواج بالنسبه لرجال تأخر كثير بسبب غلاء المعيشه وتكوين نفسه ومتطلبات الحياه

وكل بنت تتزوج بما يناسب حالتها ووضعها يعني وحده فوق 35 وتبي أعزب او مطلق عمره قريب من عمرها صعبه لان الرجل يبحث عن الأصغر سنا الا قليل جدا يكون ظروفهم مختلفه وابسط مثال شوفي بتويتر خطابات أقسم بالله شروط النساء تعدت الخيال خلنا واقعيين شويه ادري بيجي كم رد علي مهوب عاجبهم ردي لكن هذي الحقيقه م يختلف عليها اثنين شئنا ام ابينا والله يرزقك الزوج الصالح اللي يسعدك
mahaaweee
mahaaweee
لا تفكرين وتوسوسين نصيبك بيجيك والي لك مايروح لغيرك ثقي بذلك
عشبة المطر
عشبة المطر
الرّزق من عند الرّزاق وليس من عند عباد الرّزاق تعالى الله عن ذالك الرّزق من الله سبحانه جلّ في علاه
الخالق هو من يعطي المخلوق ولاقاعدة في ذالك
سبحان ربي كلٌّ وله نصيبه
ماتجي وحده تقول لا نكون واقعين وووو
لاعزيزتي فيه ناس ترغب هاذا السن
بأي حق انتي تتكلمين عن الوااااقعية
صاحبة الموضوع الله يكرمك بزوج صالح
راضي الله عنه دنيا وآخرة تسعدون مع بعض
ديناً ودنيآ وقبر وآخرة آمين يارب العالمين


أحسني الظن بالله
لمياء بن سعود
لمياء بن سعود
السلام عليكم
سن الاربعين تقدر الوحدة تتزوج وتنجب اطفال اعرف حالات واقعية تزوجن في سن الاربعين وتوا عندهن اطفال وفي حاله هي مطلقة وعندها بنت وتزوجت في سن 39 من رجل في عمر الستين وانجبت ثلاثة اطفال
وفي النهايه الزواج والانجاب مقدر من عند الله
مكنسه سريعه
مكنسه سريعه
هو ال ٤٠ مب عيب لكن خلونا منطقيات سن الانجاب يتوقف غالبا في ٥٠ فالوحده تلحق صح بتطلع لي وحده تقول الرزق مب بيدك اكيد ولا بيدك بعد ولا بيد العضوه بس برضه الفرص ماتنتفوت مب لازم تنتظر واحد صغير قريب من عمرها واعزب هذا هم اعمارهم ١٦ و١٩ وفي ال ٢٠ تزوجو شياب ٥٠ و٦٠ وبعضهم في ال ٧٠ وجابو عيال واستقرو صح الوحده ممكن تنظلم ممكن مايحصل لها اللي بخاطرها بس تظل فيه اشياء تستاهل التضحيه مثل وحده ب ٤٠ سنه تقبل متعدد مب عشان تعيش نكد وو بس عشان تخلف ويجي لها ذريه صعب تنتظر او بالاصح تضيع فرصه والكلام ينطبق على اللي فوق ٣٠ اذا جاها كفو تاخذه الحياه مره وحنا مب عابدينهم ناخذهم لاجل اسره واستقرار وذريه واللهم صلي على نبينا محمد
هو ال ٤٠ مب عيب لكن خلونا منطقيات سن الانجاب يتوقف غالبا في ٥٠ فالوحده تلحق صح بتطلع لي وحده...
عاد تطيح في سكران بحجه انه تزوج ....الحين صارو حتى الشباب مايبون الزواج ماعندهم وظايف تغطي تصاريف الزواج عندنا شباب وبنات كذا بدون زواج وأعمارهم كبيره ..فوق الأربعين أو بحدوده..... عزاب نسمع عن بنات تأخذ واحده فتره تتطلق . بحجه كبرت .يعني مو بيد البنت الزواج حتى لو كبيره امكن تجلس معززه مكرمة ولا تلقى يده للتهلكه ....ارزاق