له عيوب وله حسنات لو زوجك ابن حلال

لي 8 سنين زواج وصاحباتي تو اللي سنه واللي بعد

بس الحمد لله ما يصير الا اللي الله كاتبه
والله لطيف بعباده

اناتزوجت وعمري17صراحه ماندمت الحمدلله والحياه الزوجيه ضغوطات ومشاكل
مستحيل فيه احد مايمر فيها الله يرزق كل اللي لسى ماتزوجوا بالازواج الصالحين
واللي لسى ماخلفوا الله يرزقهم بالذريه الصالحه

انا تزوجت 19 سنه وسكنت عند اهل زوجى
وحملت على طول وكرف وتعب ومسؤليه مو من زوجى
لكن اغلبها من اللى حوالينى لكن قلت دراستى ثم دراستى
وكملت الحمد لله الجامعه مع حمل وولاده مرتين لكن ما بغيت اتخلى
عن حقى باختيار مستقبلى والحين لى 10 سنوات متزوجه وتونى فى 29
قبل كنت اغار من اللى حولى وبعمري وما تزوجو ومرتاحين من الهم لكن اللحين اقول
الحمد لله بعضهم للحين ما تزوج واللى تزوجت لكن بتنازلات ما ادرى فهمتونى قصدى ان اللى تتزوج صغيره
خياراتها باختيار الزوج اكبر من اللى تكون ب27 وللحين ما تزوجت راح تقبل باللى اقل من اللى كانت تطمح له
لما كانت صغيره
وما اقول الا الله يرضينا بما قسم لنا

انا حاسه فيك ياصحبة الموضوع انا تزوجت وعمري 18 موندمانه على الزواج بحد ذاته بسسسسسسسسسسسسسس ندمانه مثلا على شبابي ماتهنيت فيه بصديقاتي بطلعات وعلى طموحي كنت علمي وابي قسم في الجامعه علمي بس مع سنه اولى زواج انخسفت النسبه وضاعت الطموح صدق كملت الجامعه انتساب ووجربت الوظيفه بعد بس ولو

الشي الثاني وهو الاهم انك تكونين وانتي صغيره ورا زوجك ومالك شخصيه بس تراضينه ويتعود على خضوعك داءم له لو انه هو الغلطان غير المهر ماتتهنين فيه لا ::::::والطفل الاول لانك صغيره ياعمري انواع التجارب فيه من انه لازم يفهم وضرب وحاله



انا بقول انه في بعض الاخوات قالوا صح ان الزواج والاولادنعمه وصح انه قدر ومكتوب وانا عارفين هالشي وصح انه حلو ان اولادك يكبرون وانتي لسا صغيره يعني مومره كبيره والحمد لله على كل حال


بس ماايد الزواج المبكر الا في 21او22تكون البنت فهمت امور الحياة وقد المسوليه واخذت كفايتها من الشباب

انا تزوجت وعمري 15 وكانت اول 4 سنوات مشاكل في مشاكل والحمدلله حياتي مستقره الحين وعندي ولد وبنت