جربي حياتك ان شالله يطلع احسن من طليقك السابق انا متزوجه مطلق معاه بنت وانا اول زواج لي والحمدلله سعيده معاه وحطي ببالك اغلب المطلقين الزوجه الثانيه يتمسك فيها اكثر لانه جرب حياة الطلاق و التشتت وانتي لو حبيتي اولاده وحطيتيهم بعيونك وخليتي الاطفال يتعلقو فيك والله ماراح يستغني عنك انا عن نفسي بنته مع امها وتجي زيارات و عادي مره اعاملها كانها يتيمه تحتاج احد يطبطب عليها لانها صغيره وتحتاج امها ولسا مو فاهمه ليش تبعد عن امها كم يوم فانا اصير لها الام لدرجة الحين تسميني ماما وماتنام في حظن ابوها ولا جدتها ماتنام الا في حظني وهالشي والله يكبرك بعين زوجك و من ناحيه ثانيه تاخذي اجر في الاطفال المساكين يمكن ربي يرزقك باولاد بسببهم فلا تحطيهم سبب عائق اتوكلي على الله و حاولي تستفيدي من تجربتك الاولى ومن تجربت طليقته حتى تعيشي حياه مستقره باذن الله

اول شئ استخيري
اذا سمعته كويسه وافقي
انا اعرف بنات لم يسبق لهم الزواج وتزوجوا رجال مطلقين وعندهم اطفال
نصيحه اخت محبه
شوفي انا وصلت 36 ولم يسبق لي الزواج
ادعي لي
الله يفرج لنا ولكم جميعاً
بس نصيحتي اذا الرجال كويس وافقي
الله يوفق

خذيه امر عياله هين

اولا استخيري
والاستخاره حبيبتي مو معناته تحسي براحه او نفور لا الاستخاره تستخيري وتمشي بامورك وربي اذا اراد لك الخيره الطيبه يسر لك هالزواج واذا فيه شر لاسمح الله راح يصرف هالزواج عنك ولاراح يتم لهالسبب الاستخاره ضروريه في كل امور حياتنا
ثاني شي تأكدي دام عنده اولاد حطي ببالك انه ممكن في اي يوم يجيك ويقول راح ارجع ام اولادي لعصمتي بسسسس عشان الاولاد الا في حالة انه مطلقها طلاق لارجعة فيه غير كذا حطي هالاحتمال ببالك حتى لو حلف انه مو طايقها ومستحيل يرجعها ويكرهها كره الموت الا مايجيك يوم ويقول بارجعها فحطي هالاحتمال ببالك وانت احكمي بعدها كيف حتتصرفي
والله يقدم لك مافيه الخير

خلاص يختي لو كبرتي وطولتي بعد الطلاق محد دق بابك غير المتزوج توكلي على الله وتأكدي من اخلاقه الله يعوضك فيه
واولاده عامليهم كاولادك الله يسخر هم لك ويسخر ابوهم لك
ممكن يرجع طليقته ماعليك ما تهتمي ولا يجيك احباط
فكري في كل الاحوال متقدم لك متزوجين وانت كبرتي وتبي ذرية وحتى المتزوجة اول بخت له ممكن يتزوج عليها !!
محد يضمن بس اقول لك عشان تستعدي نفسيا لكل الاحتمالات