عادي اختي هالشيء

اذا الشاب دو اخلاق عاليه وشاب صالح

فلا شيء يمنع من قبوله

والرسول عليه الصلاة والسلام قال فان لم تفعلوا تكن فتنه في الارض

اول شي استخيري
ثاني شي زواج الاقارب تنقل الامراض الوراثية وتضعف الذرية
والرسول صلى الله عليه وسلم قال " لاتنكحوا القرابة القريبة فان الولد يخلق ضاويا "

الله يوفقش وبس مهو لازم ولد عم او ولد خال

انا من قبيلة وزوجي من قبيلة ثانية والحمدلله في البداية كان في شوية تحفظات مننا انا وزوجي لان طبع قبيلة زوجي متحفظين بشكل مبالغ فيه جدا وكله عندهم عيب ومايصير واحنا ربتنا امي الله يحفظها ويطول بعمرها ان البنت الحشيم الملتزمه اللي ماتغلط ماتخاف يعني تقولنا سوي اللي تبين دامه مب حرام ولا مستنكر من عاداتنا وتقاليدنا الصح طبعا ولا تخافين واللي صح مايخاف وبالفعل كنت متميزه وبارزه في مجتمعي ومنطقتي وجامعتي وكل العيون كانت علي منها عيون تراقبني وتتمنى اني اغلط وتقول كل شي اسويه غلط بغلط ومنها عيون حاسدتني ومنها عيون تتمنى تسوي مثل اللي اسويه وهذا اللي شد زوجي لي شاف فيني الجرأه مع الحشمه والادب والاحترام ترا الجرأه عمرها ماكانت طولت لسان وسلاطه وقلت ادب او تميع وتفسخ اخلاقي وتخفيف ملابس ابدااااااااااااا الجرأه هي قول الحق والتزام الحدود والاحترام
عانيت شوي مع اهل زوجي لانهم كانو يشوفون اني افكاري متحرره زياده عن اللزوم بس بعدين قدرت بتعاملي معاهم اكسبهم واخليهم يفهموني ويحترمون وجهة نظري ووجدت ان حريم العيله كلها كانت بحاجه لوحده تطلعهم من الكبت اللي كانو فيه يعني تخيلو كان ممنوع عندهم الموبايل او حتى السلام على المحارم خوال عمام اي حد اللي يبيهم يجيهم لغرفهم ونفس الشي ممنوع اي بنت تطلع قدام اي حرمه تدش البيت !!!!! او تروح تزور اي صديقه او اي عزيمه وووو وكل هذا كنا العكس نسويه في بيت اهلي ونرحب بالضيفات وغيره ونسلم وكل شي ويوم تزوجت انصدمت باللي كنت اشوفه واستغربت وبقولكم شي صار لي اول ماتزوجت وبعده بذاكرتي انا الله يسلمكم كنت لما زوجي مايكون موجود اطلع مع السواق اذا ابغي اروح مكان ضروري مثل الدوام او المستشفى او السوق وكنت قبلها بيومين قلت حق زوجي ابي موبايل عشان لما اطلع مع السايق يمكن احتاج شي لاسمح الله او يصير لي شي كيف بتصرف قالي طبعا لااااااااا بالفم المليان مو عدم اقتناع بس خوفنا من كلام العيله وسكت ماناقشته وبعد يومين بالضبط صار لنا حادث بالسوق وما عرفت كيف اتصل فيه وتسلفت موبايل الحرمه اللي داعمين سيارتها وكلمت اخوي واخوي كلمه طبعا هو خاف وجا طيران على السوق من ثاني يوم خذ لي موبايل ولو تشوفون نظرات رجال وحريم العيله اول ماخذت موبايل وشافوه بيدي كان متووووووووووو من الضحك لان الكل مستغرب ومستنكر بس تصدقون اسبوع بس وحريم العيله كلهم بيدهم موبايلات !!!! خخخخخخخخخخخ واللحين اسوق سياره وكل العيون علي واكثر واحد تشدد وتعصب في العيله واللي الكل يخاف منه ويهاب ردت فعله وهو كبير العيله شو تتوقعون ردت فعله ؟؟؟؟؟؟؟ طبعا بعد ما قعد معاي وعرفني زين اول ما شاف السياره طاح فيني مديح وثناء وقالي احسن من انك تروحين بروحك مع السايق وعين العقل اللي سويتيه وانتي ماتسوين شي الا يكون صح

ادري طولت عليك بس اختي استخيري ولا تخافين وتوكلي على الله ساعات الاختلاف في القبايل والعادات يكون نقطه لصالحك ونقطه تلتقين فيها مع زوجك وتأسسون فيها حياة مبنيه على التفاهم وعلى اسس انتو شيدتوها وخاصه فيكم وعادات خاصه فيكم غير عن الكل فلا تخافين ترى مو دايما الاختلاف يفرق ساعات يكمل نقص عندك او عند زوجك