الله يجزاكم خير وامين يارب الله يسمع مني ومنكم
الله يجزا اللي ردو واللي بيردون كل خير

أختي شامه لاتشكي لي أبكي لك ، الهرمونات دمرتني وش كنت وكيف صرت ياأختي ماخليت مستشفى ولا طبيب وكلهم مندهشين كيف التحليل كل يوم رأي يوم في السما ويوم في أسفل سافلين ، أختي أنا كان وزني 52ك وأصبح 85ك بفضل الهرمونات ولخبطتها خاصه هرمون الغده الدرقية ، لاتسألين وش تعمل الهرمونات في جسم المرأة إشي لخبطت دوره وإشي ظهور شعر في الوجه والبطن وأنحاء متفرقة من الجسم ، وشي مزاج متقلب وكئابه أحيانا وشي إدرار حليب غير تأخر الحمل والكسل والوهن وهشاشة العظام ، أختي لاتيأسين وعليك بالرقية الشرعيه خاصه بسورة البقره وماشاء الله على الأخوات في المنتدى ماقصرو حطو ملف للتداوي بسورة البقره وحطو تجاربهم ترى ياقلبي لخبطة الهرمونات بهذا الشكل الغريب معروف إنها (عين حسود جعل الله فيها عود) :icon810: :icon810: :icon810: قلبي روحي للدكتوره عبله هاشم الزواوي إلي في السليمانيه تراها كويسه ، أشوف صاحبتي تعالجت عندها بعد لخبطة في هرموناتها والحمدلله جابت بنت هذي الأيام روحي الله ينفعك بالأسباب ولا يتكلك عليها أختي إياك أن تتغافلين عن الرقية هذا أنا نصحتك وتشوفين قولي قمرية ماقالت وتذكري إذا أحد مبتليك حسبنا الله ونعم الوكيل الناس ماتخلي أحد في حاله ، وعليك بالإستغفار والصدقه تراها دواء من لا دواء له وأخير اسأل الله العظيم رب العرش الكريم القائل في كتابه (إدعوني أستجب لكم ) إنه يشفيني ويشفيك ويرزقك الذريه الصالحة عاجلا غير آجل ويقر عينك بذلك ويسهل علينا وعليك المطاليب يارب يارب يارب :( :( :(

والله سمعت بدكاترة مركز جنين الطبي انهم مره ممتازين ومتخصصين في العقم
المركز في الرياض جنب العيادات الاستشاريه

ياأختي كانت عندي نفس مشكلتك .. ورحت للدكتوره نوال في مستوصف الطب الحديث ..
وخلال شهر حملت الحمد الله .. بس بعدها حصلي بهذله من علاجها و انواع اللخبطه في الهرمونات..وزاد وزني وطلع لي شعر في كل جسمي ..
هذا غير الخساير كل كشفيه با1000 ريال وأبر وعلاجات فوق 500ريال

السلام عليكم
اولا الله يرزق كل اخت تتمنى الذرية الصالحة
سبحان الله وانتم تتكلمون عن معاناتكم مع الهرمونات تذكرت معاناتي
لكن الحمدالله انا رزقني الله بولد من بعد معاناة خمس سنوات ..
وذالك من بعد الله ثم الدكتورة السعودية (بكل فخر) د/نعيمة ابا الخيل..
يابنات اللي صدق حابة تبدا بعلاج امانة ونصيحة اخت مجربة تروح للدكتورة نعيمة..
عنوانها..شارع التخصصي مقابل اليورمارشية,,
واللي تبغا رقم العيادة للحجز ترسل خاص لان وضع الارقام ممنوعه...

والله يرزق كل من تمنى ...