اللي تساعدني جعل ربي يعطيها ماتمنى ويسخرلها القلوب القاسيه والعباد العاصيه اللهم امين

بنات انا اعاني من مشكله ومو قادره اتخلص منها المشكله هذي هي (الوسواس) يعني مثلا انا اجتمع مع اهل زوجي كل خميس ودايم اذا رجعت من عندهم يجيني صداع شدييييييييييييد والالام في المفاصل ووسواس يعني اجلس افتكر قعدتنا واقول لو اني قلت كذا ورديت كذا وليش قلت كذا وليش تصرفت كذا والحين بيقولون اني هبلا او خوافه او غبيه او مااعرف اتصرف وليش فلانه قالتلي كذا المره الجايه باردها لها وحاجات زي كذا والله اني اتعب مررررررررررررررررره :09::44:
واليوم الثاني تبقى معايه الحاله شويه وبعدها خلاص انسى بس مايمديني انسى الا نجتمع معاهم مره ثانيه وارجع لوسواسي حتى لو كنت في القعده مرتاحه ومافي شئ وكله تمام برضو لما ارجع بيتي يجيني الوسواس احاول انسى واطنش بس مااقدر الوسواس يصيطر عليه بالمررررررررررررررررررررره ولازم معاه صداع قوي وانسداد في الشهيه والالام في المفاصل ورجولي مااقدر انام منها انا اقول يمكن لاني حساسه وماارضى عليه اي كلمه حتى لو من ورايه يعني ماارضى احد يقول مو شاطره او مو نبيهه او على نياتها مااحب احد ياخذ فكره كذا عني وصرت احاول طول الجلسه اجلس ساكته عشان مااندم على اي كلام او شئ بس الاحظ اني اصير مو في المود واذا سالوني عن شغله اتنح شويه بعدين اجاوب بنات في احد مثلي كذا مع اهل زوجها ولاحظو مع اهل زوجي بس تجيني الحاله واذا كانوا بيجتمعون عندي اااااااااااااااااااااااه اش يصير فيني ابدا ارتب البيت قبل بيوم ومااقدر انام ولا اكل ولا اشرب واوسوس بالتنظيف انظف حتى الجدران والاسقف واتعب مررررررررررره يعني في هذاك اليوم اخسر ثلاثه اربعه كيلو بالراحه عشان مااحد يقول بيتها وسخ او مو مرتب غير القهوه والشاي والعشاءوليتني القى مديح او كلمه تفتح النفس الا يتفحصون البيت وحتى ورى الابواب وبعدين يجوا يجلسوا ويدوروا على شئ ثاني ينتقدوه واذا ماحصلوا رجعوا عليه وعلى اولادي ليه نحيفه ليه سمنتي ليه اولادك نحفوا ليه شكلك تعبانه متى قمتي متى نمتي وش طبختوا وش تغديتو والله يابنات ماابالغ من جد تعبت منهم وجابولي الهم والوسواس :angry::06:

لدرجة في الايام العاديه طول الوقت اجلس موسوسه ببيتي ونظافته ولا ارتاح نفسيا ولابدنيا وخايفه احد منهم يطب عليه فجاه وبيتي مو نظيف بما ان بيتنا جنبهم وحتى احلامي كلها انهم طبوا عليه البيت فجاه وهو مو مرتب وبعد اولادي صغار واشقياء مرررررره الله يهديهم وماالحق عليهم وعلى البيت وول الوقت ابرم في البيت بنات والله احس اني بانجن خلاص مررررررررره تعبانه ومو عارفه ايش اسوي:icon33::icon33:

واهل زوجي الصراحه نقادين درجه اولى وعيونهم علي انا بالذات لانه راعية البيت تصير مرة ابو زوجي وهي الكل في الكل واهل البيت كلهم تحت امرها ولاترضى على حريم اولادها كلمه وحده وعينها بس عليه انا
وام زوجي تعبانه وحالتها حاله والثالثه في بيت وحدها حتى سلفاتي يدوروا عليه اي زله وعلى طوووووووووووووول عند ام زوجهم :mad:وانا اشوف فضايحهم ولاعمري تكلمت ولاقلت حاجه ولا احد بيعطيني وجه اصلا ايش اسوي واش الحل ساعدوني الله يجزاكم خير

ملاحظه ؛ اللي مزود الوسواس عندي انهم اي حاجه يشوفوها على طول يقولوا لاهلي اللي هم اختي غير الشقيقه وحريم عمي وزوجة ابويه وزوجات اخواني الغير اشقاء وكلهم يكرهوني ويحسدوني على اي حاجه ويفرحوا باي انتقاد فيني ويستبشروا بمشاكلي ويحرضوا اهل زوجي عليه زياده ويقولوا يوم كانت عندنا كانت كذا وكذا وطبعا في وجهي انواع المجامله الكذابه وابويه وامي متوفين الله يرحمهم يعني مافي احد يدافع عني او يحبني بجد لا اهل ولا اهل زوج وزوجي شخصيته ضعيييييييييييييفه مرررررررررره الله يعين قولولي كيف اتصرف وكيف المفروض تكون شخصيتي:(
ادعولي بنات