اللي تساعدني ربي يفرج همها ويحقق امنياتها

الله يفرجها عليك ويرزقك الوظيفة الي تتمنين عاجلا غير اجل والله يفرح قلب امك فيك
والله هذا الي اقدر اساعدك فيه بالدعاء

الله يفرجها عليك ويرزقك الوظيفة الي تتمنين عاجلا غير اجل والله يفرح قلب امك فيك
والله هذا الي اقدر اساعدك فيه بالدعاء

عزيزتي ليش متعرضين خدماتك

اذا كنتي تجيدين اعمال الكمبيوتر من تحاضير للمعلمات اوراق عمل بحوث لطلبات الجامعة

وبسعر مغري

وكل شيء متوفر بالنت بس حطي عليه لمساتك

او عمل وسائل تعليمية بطريقة جديدة

او شاطرة بالطبخ اعرضي خدماتك وشوفي كيف الكل بيجيكي

بس يبيلها صبر

لاتقعدين تستنين الوظيفة

والله يرزقك

اكثري من الاستغفار وتجدي ما يسرك باذن الله ادعيلي تكفين انا محتاجه للدعاء

أسأل الله العلي العظيم ان يرزقك بالوظيفه عاجلا غير اجل وييسر امورك

وزي ما قالت الاخت ms_pees

لا تحطي يد على يد وتستني الوظيفه .

والله الحين صاير معاناه والكل ماهو لاقي وظيفه وخاصة ان تخصصك ماهو مطلوب كثير .

فلازم تطورين نفسك وبنفس الوقت تسعين في البحث عن وظيفه ..طبعا مع ان تستيقني بان رزقك بيد الله وتتوكلي عليه ولو ايش ماكانت امكانياتك وشهاداتك اذا ربي قدر لك شيء بتاخذيه .
أكثري من الاستغفار وعلقي قلبك بالله واحرصي على الدعاء وارضي ربك والله لن يضيعك .

وانا احترم فيك احساسك بالمسوؤلية والتخفيف على امك .. الله يحفظها لك ويكثر من امثالك بنبلك وباخلاقك .

بالنسبه للبحث عن وظيفه :

- ممكن تبحثي في المنتديات والان فيه منتديات كثيرة مخصصه للعطلين عن العمل وتحط اعلانات للوظائف .
- قدمي اوراقك على مكتب العمل في المدينه اللي ساكنه فيها ..ماعندي فكرة دقيقه عن هذا الموضوع بس ممكن تتصلين عليهم وتعرفين اكثر او تسوين بحث في جوجل وبتلاقين شرح عن هذا الموضوع .. وهذي ارقامهم http://www.mol.gov.sa/mol_site/offcie/mkateb1.asp

-ابحثي في المدارس الخاصة بشكل متكرر ولا تيأسي وكوني على تواصل دائم معهم بقدر مايمكن ..واذا حصلتي شيء حاولي تتحملي التعب حتى لو كان الراتب مايستاهل على شان تحصلي على الخبرة اللازمه للمفاضله حتى تساعدك في النقاط .

- اذا عندك قرايب او اهل في قرى او هجر حاولي تقدمين عندهم ان استطعتي لان غالبا المدن مكتفيه ومافيه مجال للتعيين فيها الا لأهل الواسطات .:(


بالنسبه لتطوير الذات وكسب مهارات جديده :

- الان اغلب الوظائف تحتاج تمكن من اللغة الانجليزيه والحاسب فحاولي تطورين نفسك بهالجانبين ..ومو شرط تاخذين دورات وتخسرين فلوس ممكن تطورين نفسك بنفسك .

مثلا اللغة:
فيه كثير من المنتديات تساعد على تعليم اللغة الانجليزيه وتعطيك نصائح ومواقع تستفيدين منها .. واللغة غالبا تحتاج حفظ كلمات يعني احفظي كلمات بقدر ما تستطيعين .. وحاولي تستفيدي من الافلام في تطوير لغتك وكثير هذي تساعد .

الحاسب :
ركزي على برامج مايكروسوفت اوفيس ( اكسل - اكسس-وورد -بوربوينت -فرونت) لانها تستخدم بشكل او باخر سواء بادخال البيانات او تصميم المواقع او غيره من متطلبات العمل التي اصبح الكمبيوتر شيء اساسي بها.
وفيه الرخصة الدوليه لقيادة الحاسب جدا مفيده وشهادتها معتمده وتكلموا عنها البنات كثير ممكن تسوي بحث وبتلاقي عنها معلومات كثيره ..
وممكن تتعلمي عليها واذا بغيتي تختبري تدفعين لكل اختبار على ماعتقد 100ريال واذا تجاوزتي الامتحان يعطونك الشهاده ( وهذا احسن شيء فيها انك تحصلي على شهاده معتمده باقل تكلفه )

- ممكن تفكرين ايش القدرات اللي عندك واللي ممكن تستفيدين منها ماديا ( من الافكار المطروحة تعملي تحاضير اوراق عمل عروض بوربوينت مطويات )
وانا حاضره اذا بغيتي افيدك بهذا المجال وتستفيدين من تجاربي تواصلي معي عالخاص وان شاء الله ما اقصر معك .

ومن الافكار ايضا :
* اذا كان عندك قدرة على التصوير وكاميرا الفيديو ممكن تعرضي خدماتك على المدارس الخاصة لان كثير يحتاجون تصوير الاطفال في الروضه وحفلات التخرج وغيرها .. ولازم تقنعينهم بشغلك من خلال احضار نماذج واسعار منافسه.

* ممكن تعملين اصناف معينه من الطعام وتعرضيها ( اذا كنتي شاطره في المطبخ ) وهذي الاشياء مطلوبه كثير في رمضان مثل الاشياء القابلة للحفظ في الفريزر .. وفي الاوقات الثانيه تحاولي تعملي غريبه او معمول وما شابه والفطائر وتعلبينها بشكل معين وتعرضينها على البقالات القريبه منكم .


- ايضا تواصلي مع الجمعيات الخيريه ودور تحفظ القران وحاولي تعرضي خدماتك ولو بالمجان علشان يكون عندك تواصل مع المجتمع وتكتسبي خبرات ومهارات اجتماعيه .. افضل من جلستك بالبيت حتى التواصل مع الاخوات بيكون افضل وبيقولون لك اذا علموا بوجود احتياج لوظائف هنا او هناك .


هذا اللي عندي وممكن فيه اشياء ثانيه ما جت على باللي ..
الغرض والمغزى انك تطوري نفسك الى الافضل .
افضل من الانتظار وربما فقد ماتعلمتيه ..
اهم شيء يكون عندك رغبه وارادة ..
حطي الهدف قدامك واسعي لبلوغه ولا تقفي عند اول احباط او فشل ..
واعلمي ان البدايه صعبه وغالبا لن تجدي من يشجعك او يساعدك .

تمنياتي لك بالتوفيق والسعادة في الدارين وان يحسن خواتمنا ويثبتنا على الحق.