اللي تسافر للخارج تدخل تراها مهمة عندنا لها فضل كبير بخبرتها

هلا والله وغلا بحبيباتي
ابيكم كل وحدة تدخل تقول ووش المواقف المحرجة التي تصادفها وهي مسافرة
وايضا تذكر الاغراض اللي تاخذها معها من ديرتها وهي رايحه مهمه غير الملابس طبعا
وبعدوالمهم بعد ذكر بعض السلوكيات الممنوعه والمحبوبه باي بلد راحت له
والاستعدادات اللي لازم نستعدلها عشان مايحصل مشاكل بين الزوجين والاولاد مع بعضهم
واللي عندها ملحوظة غير اللي قلتها تقولها تراها مشكورة بعد
وهذا كله عشان نفيد خواتنا اللي راح تسافر وجديدة عهد بالسفر وتوابعه
وراح ابدأ انا بعرض بعض المواقف اللي حصلت لي وهي
مره انا مسافرة لامريكا عند زوجي اللي مبتعث هناك للدراسة وكان معي عيالي ولدين واحد عمرهاربعة سنين والثاني سنه ونص
المهم وانا بالطياره بلشت بعيالي ما اخذت لهم حلويات للتسليتهم بالرحله خصوصا انها طويله مرة 14ساعه بالجو مليت ما وصلنا ما عملت حسابي اقضي هالوقت بشي يفيدني انا وعيالي :icon33:
هذي لانها اول مرة لي بالسفر خارج المملكة وهذي قبل عشرين سنه
وبعد ما وصلت هناك واجهت بعض المتاعب في البيت والطبخ مافيه قشطة مافيه زبادي ولا لبن زي الناس ولا بريقات ولا دلال قهوة وحالة الله لايوريك ماعرفت وش اسوي
المهم عبرت نفسي فصل كامل ورجعت للسعوديه زيارة ويوم بغيت ارجع لامريكا جبت معي بريقات ودلال وقهوة وبهارات كل اللي انا ابيه وارتحت بعدها
وصرت اعزم صديقاتي اللي هن زوجات اصدقاء زوجي واطبخ لهم كبسة الرز اللي صراحة ما صار لها وحشة إلا يوم سافرنا عرفنا قيمتها واللي ياكلها عندي كاني حاطة له بوفيه كل مالذ وطاب
ياكل ويستانس ويدعيلي
المهم طولت عليكم
المواقف ما تخلص وياكثرها بس اترك المجال لغيري
والله الله بالردود السنعه والمفيده