---اللي تستاجر شقة --

اذا اغراضك كثيره ضروري مستودع
وتهمني مساحة الغرف وعددها الاناره لوماعجبتني بحط واشيلها لاطلعت
ومستحيل اخذ دور اول عشان الحشرات افضل دور ثاني او ثالث اذا ماعندك اطفال

السلام عليكم .. اختي انا ساكنه في شقه اهم شئ عندي انها تكون جديده محد سكنها من قبل .. لازم تكون اكثر من 4 غرف ومستودع وتكون غرف كبار وواسعه ماحب الغرف الضيقه تكون زحمه بالاثاث .. لازم يكون تشطيب حلو وحمامات سيراميكها حلو .. انا شقتي كبيرة 4 غرف وصاله كبيرة بس السيراميك مو حلو لاننا شفنا الشقه وكانت كلها تراب وحوسه ماتنظفت ومادرينا ان السيراميك مو حلو الا بعدين لما جينا بنسكن لذلك حطيت موكيت

تسلمو على الردود الحلوة
بصراحة تهمني النصايح

موضوعك حلو جا بوقته لاني بنقل قريب ان شاء الله ومحتارة مرة بس لاتنسون الايجارات لها دور والحي برضو اذا يناسب اول لا من ناحية مكانه والناس اللي فيه وبعده عن الخدمات والشوارع الرئيسية

انا بارجع للرياض بعد ٨ اشهر
و حاطة ببالي اشياء ما اتنازل عنها و اشياء مهمة بس لو ما لقيت الله يعين
الضروريات
دور ارضي حاطة عليه اكس مابي حشرات و صراصير
المطبخ يكون حجمه معقول مابي صغير و يكون لون جدرانه و ارضيته فاتح و فيه شباك تدخل منه الشمس
الحمامات حجمها معقول و سيراميكها حلو
لا للمنور
غرف معقولة الحجم
شقة شرحة مو شرط وسع لا بالتصريف

الاشياء اللي ممكن اتنازل عنها
ما ابي جدران فلفلت بس اذا ما لقيت ابصبغ << تكره الفلفت
يا سلام لو فيه بانيو
مخزن

يعني حاجات في بالي ههههههه الله ييسر لي امري و امر كل مسلم
و ان شاء الله تلقين اللي يعجبك و يرضيك يا رب