اللي تستخدمة مره ما راح تتركة بالمره

بصراحة بنات حابة انكم تستفيدون مثل ما استفدت اني مثلكم كنت اعاني من الرؤؤس السوداء والنقط السوداء اللي في وجهي ووجهي شاحب وليس صافي معظم الخلطات اللي استخدمتها من المنتدى ما اواصل عليها من جذية ما استفدت منة
لما رحت المعرض جفت في القسم اليمني سدر وشريتة قلت هالايام ليش ما اقوم واحط السدر على وجهي يمكن احصل على نتيجة المهم قمت وخلطت ملعقة سدر وية ماء ورد وخلطتهم مع بعض وحطيته في الثلاجة لين ما يبرد وبعدين وقمت حطيته على وجهي لمدة نصف ساعة وبعدين غسلتة وحطيت على وجهي ماء ورد بنات النتيجة مذهلة بالفعل خفت الرؤؤس السوداء ووجهي صار صافي وناعم ولي الحين تقريبا اسبوع استخدمها وصاير وجهي شي عجيب
بصراحة من دون مبالغة اول مره في حياتي استخدم خلطة وتعجبني من اول استخدام بنات بنات
اللي تعاني من مشاكل في بشرتها تسويها ترى هالخلطة بالفعل رهيبة وما راح تصدقوني الا لما تستخدمونها
بنات اللي تستخدمها وتعجبها تدعيلي ان الله يهدي ولدي وينولني اللي في بالي ويرزقني بالذرية الصالحة ان شاء الله