بالنسبه للي تضررو من بديل الزيت السبب لأنكم استخدمتوه بطريقه غلط
والسبب في تقصف شعوركم انكم تركتوه على الشعر بدون شطفه بالماي
بانتين بديل الزيت طريقته زي البلسم بالظبط
يعني
بعد ماتغسلين شعرك بالشامبو وتشطفينه بالماي توزعين عليه بديل الزيت
وتتركينه على الشعر لمدة من 5 الى 10 دقايق
وبعدين تمشطين شعرك بخفه الين تحسين الشعر صار انسيابي
وبعدين تشطفينه بالماي0000وانتهينا
هذي طريقته الصحيحه
بديل الزيت مايترك ابدا ابدا على الشعر بدون شطفه بالماي
والصراحه انا استعملت انواع كثيره من البلسم وكان افضلها بديل الزيت بانتين وغارنييه
وبعد فيه حمام زيت ممتاز واعتبره افضل حمام زيت استعملته
اللي هو بانويل بالقمح
وهو قوامه ثقييييل بس انا اذا شريته قبل ما استعمله اغلي كميه من الماي تقريبا 4 او 5 اكواب
وافرغ علبة حمام الزيت في طاسه او اي ماعون كبير واصب عليه الماي واخلطه لحد مايصير
قوامه كريمي000يعني زي قوام البلسم العادي
وبعدها اصبه في علبه كبيره غير علبته000لأن بتكون كميته كبيره بعد خلطه بالماي
وبتصيرين ضربتي عصفورين بحجر منها زادت كميته ومنها صار سهل الاستعمال
ونفس الشي طريقته نفس طريقة بديل الزيت
يعني مايترك على الشعر لازم يشطف الشعر بالماي

انتبهو لاتحطونه على الجذور هذا اللي يخلي الشعر يطيح

وانا عن نفسي استعمله اذا بغيت اجعد شعري

سبحان الله وبحمده سبحان الله العظيم

اذكر لك تجربة صديقتي
من سنة تقريبا جبنا العلبة سوا انا وهي وبقيت معها سنة مابتهتم بشعرها ولابحط له شيء لحتى شفنا هالعلبة وجبنا سوا انا خلصت العلبة ومارجعت جبت غيرها وبعد سنة شفتها هي مواظبة عليها ماشاء الله شعرها كان لكتفها صار لاخر ظهرها وبنتها شعرها صاير لنص ظهرها بسم الله ماشاء الله
طبعا طريقته معروفة بعد الحمام تدهنين الفروة فقط من دون ماتغسليه واذا بدك ادهني الشعر بس انا مااحب ادهن الشعر احسه يصير شوي فيه لمعة
وهذي التجربة تمت
واللي تقول يتساقط الاشعر ترى هو مايسبب تساقط الشعر بس شوفي يمكن يستخدمو شيء تاني معه او من طريقة تمشيطه او من كثر الاسشوار
ترى انا مااسشور شعري ومايتساقط والحمد لله

الله يعطيكم العافية ويوفقكم دنيا واخرة