لا هو طبيعي اول اسبوع كذا بس على طول رطبيه وقصي اطرافه ولا تستشورينه ابدا لمدة اسبوعين ولاتخافين حبيبتي
وان شاء الله يصير تمام

الله يحفظ لك شعرك
بس انتي قريتي التعليمات قبل تحطينه

انا زمان كنت اسوي فرد والحين تركته من 6 سنوات لانه مرررررررررررررررررر شعري
والى الان اعاني من آثاره
المهم ياقمر شكلك ماغسلتيه من الفرد زين
وبعد الفرد يكون معاه بلسم تسوينه بعد ماتغسلي الفرد تسوين البلسم وتتركينه 10 دقائق وبعين تغسلينه
وانتي شكلك ماسويتيه

الحين روحي اغسلي شعرك بدون فرك خلي الماي ينزل عليه لين تحسيه صار صافي
وبعها حطي بلسم من عندك بس غرقيه بالبلسم
وحطيهم ساعه كامله
وبعدين اغسلي شعرك وسوي له كريم
وخليك يومبن وبعين سوي له اي خلطه من اللي بالمنتدى حق الجفاف
ممكن خلطه السمن او اي شي
صقيني بترتاحي ومش لازم تجلسي اسبوع لان الفرد بيدمر شعرك اذا جلس على هالجفاف
اسأل مجرب

ماقصرو يعطيهم العافيه

اعتقد ان الفرد هذا معها شامبو خاص عشان تعرفين اذا شعرك نظف من الفرد ولا لأ لو الرغوه مازالت ورديه يعني مانظفتيه من الفرد ولو صارت بيضاء يعني خلاص نظف

يعني مو من اول غسله بينظف من الفرد لازم اكثر من مره في نفس الوقت

واكيد لو شعرك من النوع الخشن انه 10 دقايق مو كافيه انه ينفرد يعني مااحترق ولا شي بس غسلتيه وهو مابعد انفرد

روحي اغسليه وشوفي وش لون الرغوه بيضاء ولا ورديه واهتم فيه الله يعينك

الله يعينك
انا فردت شعري ليلة عيد الاضحى
بهذا الفرد



وبعد ماغسلت شعري منه سويته كعكه وتركته لحد مانشف وصار قاسي ويابس زي ماقلتي كأني حاطه فيه جبس
وتركته لمدة 3 ايام ماغسلته
ولما جيت اغسله يوووووووه من المعاناه كان يابس جدا وتعبت وانا اغسله واحاول افككه والله عذاب
وبعدها صار متشابك حيل ومااقدر امشطه 00 يعني المشط مايمشي فيه
وصرت كل مره اغسله واغرقه بالبلسم عشان اقدر امشطه بس في نفس الوقت يتمشط
وبس ارفع المشط منه وارجع امشطه مره ثانيه احصله متشابك بقوه
حتى ملمسه صار خشن
والحين صار لي فوق الثلاث شهور ولازلت اعاني من تمشيطه خصوصا اذا مشطته تحت الدش
تحسين ان الماي بدال مايسهل تمشيطه صار بعد هالفرد الماي يزيد تشابكه
والله اني صرت ادعي على مخترع هالفرد000الصراحه دمر شعري وندمت ندم لايوصف اني حطيته في شعري
كان شعري كيرلي وملمسه ناعم واذا غسلته وحطيت فيه بلسم بسهوله يتمشط
بس بعد هالفرد صار تمشيطه معاناه حتى مع افضل بلسم
واللي مستغربه منه اني اذا مشطته وبعد معاناه يزول التشابك وفي نفس الوقت بالظبط ارجع المشط
في شعري مره ثانيه اشوف الشعر رجع متشابك والمشط مايرضى يتحرك من مكانه
ماادري وش هالماده اللي حاطينها في هالفرد اللي تخلي الشعر بهالخشونه
هذا بالإضافه الى التساقط الفضيع هذا لحاله هممممم
وانا امشط شعري ومع التشابك تطيح خصل
راح ثلاث ارباع شعري ولازال التساقط مستمر وكله بسبب هالفرد
تصدقين اني غرقت شعري بحمام زيت بانويل بالقمح وهو من افضل انواع حمامات الزيت
كنت قبل هالفرد اذا حطيته في شعري احس ملمسه حرير
الحين بعد هالفرد المشؤوم غرقت شعري فيه وتركته تقريبا 6 ساعات
بس ابي يروح هالتشابك منه
تصدقين انه ولا اثر فيه وشعري لازال متشابك
نصيحتي لك روحي اغسلي شعرك الحين وزيتيه ورطبيه بحمامات الزيت
للأسف كل انواع الفرد دمااااار للشعر
يامحلى الشعر الطبيعي بجميع حالاته
بلا فرد بلا وجع قلب