اللي تشتغل بوظيفة مختلطه تتفضل

بنات انا اول مره بحياتي ادخل مكان وبيئة عمل
عمري ٣٠ سنه وتوي احصل ورحت من محافظه
للعاصمه لاني حصلت شغل هناك
وين المشكله تعرفون
بيئية وطريقه حياة المحافظات مايحتاج اقولكم كيف
خاصه امي انسانه مره متشدده من ناحية الرجال والاختلاط
انا توظفت بعياده المكان قالي جربي يومين
واذا اعجبك تمام
ونتفق
رحت لهم يومين العمل والبيئه اللي انا بشتغل فيها
تجنن
كلهم بنات ومره طيبين وجالسين يحاولون
يعلموني وكذا
لكن اشياء كثيره ضايقتني واختي قالت انتي مكبره الموضوع
انتي تحسبين نفسك بالمحافظه انتي وانتي
بالبدايه رحت لهم بعبايتي السوداء وحجاب وكمامه
على طول قالي المدير
من بكرا تلبسين نفس لبس زميلاتك
ايش لابسيه سكراب اسود او بنطلون اسود
مع لاب كوت
نصهم قصير طالع كل اللي وراء والنص طويل
انا ابد ماحبيت خاصه انه فيه رجال كثير بالعياده
قالت اختي البسي بالطو للركبه وانتهى الموضوع
كل اللي بالعيادات كذا
المشكله الثانيه ايش انا توي اشتغل ولا اعرف
كيف نظام الشغل ف انصدمت
كل شوي يناديني المدير بغرفته يعلمني
انا كذا وكذا الوظيفه كذا وكذا
خلاص قلتها مره تكفي
ليش كل شوي يجي فوق راسي كانه يراقبني ويناديني
تعالي شوي
الشي الثالث اللي جد جد صدمني وخلاني
شوي اكش من ناحية الوظيفه
انا ذكرت لكم قبل اني انا اتحجب وبكمامه
هو لما ناداني انا ووحده جديده
يعطيني الشروط وكذا
للعمل عطانا لاتيه انا رفضت وغصب
اجبرني اني ضيافه واول يوم لك مايصير ترديننا
طبعا كل اللي بالعياده نفس طريقتي حجاب وكمامه
وثنتين يمكن نقاب
انا عادي ماعندي مشكله لكن اسلوب يجيبنا
عنده بالغرفه ويجبرنا ناخذ القهوه ؟
ايش معناته؟
كانه بيشيك ع الشكل ؟
لدرجه انقهرت اني رضيت ليش مارفضت
وقلت ماشرب !!
انا الحمدلله ادري ان الوحده وتربيتها
لو يحطون الوحده بمكان كله كذا اذاا هي
محافظه ع نفسها ماراح يصيبها شي لكن البلاء
بكثرة الضغط يعني زي امس رفضت وضغط علينا
لما غصب عطانا نشرب
هذا مقصدي اختي قالت تفكيرك راح بعيد
وترا اغلب الشغل كذا وياكثرهمً خاصه القطاع الطبي
كذا انتي لانك اول مره مو ماخذه ع الوضع
وش رايكم بنات؟
غير كدا قالي اشتغلي يومين ونتفق للان
ماعلمني لا عن راتب ولا شي لي ولا وقعت اي شي
معهم مادري متى ناوي يكلمني فقي قالي باشري من بكرا
يعني اليوم دوامك
طيب وش عرفني كم؟
كيف اشتغل وانا ماعرف كم الراتب؟
ومستحيه اساله ابيها تجي منه لكن للان
ماعرف كيف اساله بهالموضوع