اللي تشتكي من الحبوب واثارها والؤوس السوداء تدخل عندي الحل

مرحبا

قبل اكتب الموضوع احب انبه القارئات انهم يقرون الموضوع من بدايته وكمان الردود >>> هذا اذا صار فيه ردود:)

ولا وحده تسال الا بعد ما تقرا لاني باكتب كل اللي عندي وان شاء الله ما انسى شي وما باقصر معاكم
حبايبي انا كنت اشتكي زمان من حب الشباب واثارها كان صدري وظهري متشوه بقوه
المهم جات عندنا كوافيره تونسيه وشافت بشرتي وقالت انه بنتها كانت تشتكي من نفس الحبوب وودتها عند كذا دكتور وما نفع معاها فجربت لها خلطه طبيعيه وهي تعتبر مقشر ومقاديرها كالتالي :

2 ملعقه كبيره شوفان كويكر او اي نوع ثاني مطحون عشان يكون سهل التنظيف (( اللي نسوي منه الشوربه في رمضان ))
1 ملعقه كبيره خميره فوريه (( حقت الاكل اللي تجي حبوب صغييييييييييييييره مرررررررررره ))
حليب سايل (( حليب السعوديه واذا ما توفر حطي حليب بودره تقريبا ملعقه كبير وحطي عليه مويه لحد ما يصير عندك خليط هالحين نجي للمهم :

وهو اذا انتي بتخلينه سايل(( مثل خليط الكيك او اثقل شوي )) استخدميه لوجهك وجسمك يعني صدرك وظهرك

واذا كان ثقيل مرررره (( يكون متماسك )) يستخدم كمقشر مثل للركبه والارداف وينفع كمان للظهر مو احيانا يكون مكان السوتيان والاكتاف خشن هذا القناع رهيب لها

معلومات :
** يمكن يطلع لك حبوب اول ما تستخدمينها لا تخافين واصلي >>> واصلي واحنا معاك واصلي وحنا وراك واصلي والله يحميك هههه

** المفروض تستخدمينها مره في الاسبوع بس انا كنت مره متعقده من بشرتي فكنت استخدمها يوميا .
** الخلطه هذي تشيل الجلد الميت .

** تتركينها على بشرتك لحد ما تجف يعني تقريبا نص ساعه .

** تغسلينها بمويه فقط وتراه يطفش نوعا ما ما ينظف بسهوله بس اللي يبي الدح ما يقول اح .

** اللي فيها اثار حبوب تكثر من الحليب البودره لان الحليب يشيل الاثار وطبعا تزود المويه على قد الحليب لحد مايصير معاها الخليط تمام سواء ثقيل والا وسط .

** احيانا كنت اختصر الوقت واستخدم الثقيل لوجهي بس مو كل يوم لانه يجفف البشره .

** اول ما تخلطينه على طول استخدميه لا تتركينه يتخمر .

** هو يجفف البشرة بس مو زي المقشرات الكيميائيه يعني يجف الحبوب ويشيل الرؤوس السوداء .

يمكن اذا حسيتي بشرتك جااافه مرره تستخدمين اللوشون بس مو بكثره لحد ما تنتهي مشكلتك وبعدين استخدمي اللوشون عادي باي وقت .

ان شاء الله ما اكون نسيت شي والا عندها أي سؤال انا حاظره
واتمنى الموضوع ما يكون مكرر
بايو