بعد أذن صاحب الموضوع
يالغالية زوج أختك قاعد يرتكب كبيرة من الكبائر الزنا والعياذ بالله
هذا يبيله تخويف من الله ولا تقعد معه اختك وهذا وضعه لاحول ولا قوة الا بالله
الغضب يكون لله مو لذاتي
الزنا أمره عظيم ولا يستهان به وخير يقول كل شغالة ما راح أخليها
حتى لو هي عجوز ما يخاف من الله ؟؟ اختك لازم ما تخليه وتتركه لأنه معترف
المفروض تدخل أحد يوقف مهزلة زوجها ويوقفه عند حده
هذا ما أستحى من رب العالمين ويجاهر الله يهديه
لالالالالالالالالالازم تاخذ موقف قوي ولا تقعد عنده الين يتوب وبعدين ترجع له
وربي ما راح يضيعها
ومن يتق الله يجعل له مخرجاً ويرزقه من حيث لا يحتسب
أرى أختك جداً سلبية الله يهدي الجميع

اخوي ريح الرجل في هالزمن من جد مايسوى من يفكر احد منا فيه لو تبي الحقيقه انا ضد من تجعل الرجل اكبر همها انا اعد الرجل في هالزمن شر لابد منه زي الشغاله نحتاجها بس بجيبتها لنا نهتم منها مو تقليل بشان الرجل لا يكرم هو يظل ابونا واخونا وزوجنا وصدييقنا وكل شي بس لو جينا نتكلم بواقعيه شوي وبصراحه رغم ان الصراحه قاسيه وماحد يتقبلها الا اني انصح كل بنت تتزوج انها تحط براسها فكرة تخوين الزوج عشان ماتنصدم يعني كل رجل بهالزمن خائن باي اسلوب من الاساليب بدايه من البلوتوث وتخزين صور العاريات او صور بنات خلق الله الى حد الخيانه الكبرى والعياذ بالله اخ ريح لانكذب على بعض الي تامن الرجل وتقول زوجي مايخون انا ارحمها واحسها انسانه مسكينه الرجل نلاحظه بالاسواق خاصه الي يدف عربية ولده الرضيع او الي حامل طفله او الي ماسك يدين اطفاله عشان زوجتك تكمل شراء اغراضها اكثر الرجال الي مايرمشون بالسوق عشان مايفوتهم شي وان حصل له يغمز مايقصر وان سنحت له الفرصه يرقم بطريقه الخفيه مايمنعه شي اسرع من البرق وياغافلين لكم الله. صحيح انا ماتزوجت بس كرهت الرجال المتزوجين من كثر ما اشوف نظراتهم الي بتاكلنا بالاسواق وكنه مغصوب على السوق لا واغلبهم زوجاتهم موظفات هم ووجيههم الله يرزقنا الجنه والا الرجال وخيانه ماهمتنا هو يخون وغيره يخون مع زوجته وبناته واخواته وهو مايدري مسكين اللهم لاتجعل الرجل اكبر همي

بصراحه انا احس انك ياريح تشبهني على نوال السعداوي انا بجد خجلانه منك ومن كل من تقرا موضوعي بس بصراحه انا مو ضد الرجل لا انا لولا الله ثم الرجل ماقدرت اوقف على رجولي بهالدنيا انا انسانه ضعيفه بدون الرجل الله لايخلينا بس مو معناته نكرس اهتمامنا به وبخيانته وكيف نجذبه لا اسمحوا لي جميعا اقول في بليس هو ومن يحاول يكسبه مالنا الا اننا نرضيه بحدود المعقول ولايكلف الله نفسا الا وسعها غير كذا انا اعتذر عن تحمسي ياجماعه شي غصب عني كرهي للرجل في هالزمن فقط لان الرجل حاط بعقله عبارة حلال علي وحرام على البنات او بالاصح النساء اجمع خليتوني احس ان الرجل سي السيد ومسحتوا وجودنا>>>>>>>>>>>> اكرر اعتذاري يا اخ ريح بس مدري احس اني ضد مواضيعك مع اني مستحيه من ردودي ياربيه

والله انا وبصرااااااااحه

عطيته ومنحته الثقه العمياء بداية زواجينا
وبصرااااااااااااااااااااااااااااااااااااااااحه

أنصدمت فيه وجلست فتره أشك فيه وكان شكي دائما بمحله

هاللحين لا خلاص كبر عن هالحركات صار عمره (( 29 )) كبير مرررررررررررره
لكن مو معناته ان ماتجي بعض الأحيان حالات شك

بس لو بنخليها ع الشك عز الله ماسلموا منا

بس اذا جات ع الشك أحس أنها أهون من غيرها بواااااااجد

مشكور أخوي الكريم على هيك مواضيع

ودمتم بود.............. والله يعين

اخي الفاضل

بكتب لك بصراحه
ولله اني اكتب وقلبي احسه بيخرج من صدري وادور الحروف دوارة

مو بسبب زوجي الا بسبب اللي قريته...فتحت موضوعك بالصدفه صرت اتنقل من مشكلة لمشكلة...سطور كأنها فيلم رعب كل حين مشهد يخوف اكثر من الثاني...
من مسجات غرامية الى صور في الموبايل الى مكالمات واخره مع الخدم وغير شنطة حفاظات الاطفال..........
الله يساعدهم على همومهم يارب

بس اللي خوفني اكثر وين راح فكري...اقول معقولة انا غبية وممكن زوجي يفكر يخوني او انه خاني؟؟؟؟

انا متزوجه من 8 سنوات وقبلها 6 سنوات ينتظرني اتخرج حتى اتزوج....

يعني هو بالجامعه وانا باعدادي...

هو بصراحه عادي مع الكل يعني ما يخالف في الكلام او التعليق مع احد... اتمنى تفهم اللي اقصده .....
مثلا قبل العقد كنا نخرج العايله كامل عيال العم في رحلة ..ومثلا نصادف بنات في المكان ..وبطبعه هو وخواته وخوانه يحبون المزاح يبقون يمزحون مع بعض..مثلا تقوله اخته شوفها تطالع فيك...يرد عليه رايك اعطيها رقمي؟؟؟...... واحنا نضحك على كلامهم بس ما شكيت ان ممكن يسويها...


وكنت اسمع منه سوالفه ومواقفه وي البنات في الجامعه..وبحكم تفوقه كانوا كثيرات اللي على اتصال به على اساس الدراسه وكان يقولي عنهم ...وحتى خبرني عن بنت كانت تحبه وكان يقول لها انا احب قريبتي وانتظرها تتخرج انسيني احسن .....وما شكيت ان يكون بين وبين اي وحده كلام غير الدراسه

وبعدها انخطبنا....وتزوجنا...
وفي طلعاتنا اذا اشوف وحده بشكل ملفت هو يقولي شوفيها شنو لابسه؟؟ونقعد نعلق عليها مع بعض..بس ما اشك ان نظر لها بصورة غلط....

سافرنا كثير..ومرة في تايلند كنا مع عايله خليجية... تفاجأت ان امهم تقولي ما تخافين على زوجك هو يسولف مع المرشده السياحيه اللي معانا.... قلت لها شنو بقول لها يعني...لما جا معاي صاروا يعلقون عليه...شنو عندك وياها تسولف؟؟؟؟ ولله اني ما شكيت...لان هو قام يقولي انه سالها عن لغة الكتاب اللي في يدها وقالت له ايطالي وهي قاعده تتعلم..وقالي سوالفها وياه عن المكان اللي بنروحه واشياء عادية....

واحيانا اصحى ما القاه وياي طبعا في السفر..لما يرجع اقوله وين طلعت من الصبح يقولي رحت اشوف المكان هنا..ليش ما تجين وياي.... واذكر اني اقوله والله لو حده غيري تصحى الصبح زوجها مو وياها بروح بالها بعيد يرد علي وتضنين انت وياي واروح لبنات وسخين في الشارع؟ رده ما يخلي الشك يدخل قلبي

هذا في تايلند وما ادراك ما تايلند...ومرة واحنا نمشي قريب من الفندق الا بنت تناديه وتاشر عليه بيدها...اشر على بنتي وقالها ماي دوتر (بنتي) سالته من وين تعرفها؟؟ قالي هذه صاحبة المغسله ..اليوم لما رحت اخذ الثياب تقولي ثياب البيبي غسلتهم مرتين لان فيهم ريحه يمكن البيبي مريض ويرجع.... قلت له اي ثياب بنتي والحين اشرت لها على بنتي...وما جا ببالي ان صار حديث غير وتصوروا لو اني سويتها مشكلة قبل لا اعرف من هذه وليشش يعرفها على بنتي؟؟

ومرة سافر بروحه راح هولندا...ورجع قام يسولف لي عن اللي صار...وكان يوريني صور.... طبعا هو رايح كورس دراسي مع 5 من اصحابه...والصور كل في الجامعه او التجمعات والرحلات التابعه للكورس.... شفت صور له مع بنات عليهم الزي الرسمي لبلادهم يقولي شوفي انا الوحيد اللي صورت وياهم كان عندهم عرض ومحد من اللي وياي رضى يصور يقولون يخافون من زوجاتهم يشكون فيهم.... وشفت صور لرحلاتهم طبعا فيها شرب اكرمكم الله ..اقوله عادي يوزعونه..يقولي اي مثل الماي عندهم تدرين.... بس ما فكرت اسأله شربت لاني متاكده مليون بالمئة ما بقرب منه ....

وقام يسولف عن حركات اثنين من الشباب اللي وياه..ويقولي عن لباس البنات في الجامعه...وانا اقول بمزح...((وانتوا مستانسين)) يقولي انا ما تهمني هالسوالف يمكن نعلق ونضحك بس مستحيل انظر لها بنظرة غير

ولما الومه ان يتصل مرة في اليوم بس وانا وقتهاا حامل ...يقولي ولله اتصلك وقت ما افضى انا اشحن البطاقة كل يومين واللي ويا بعضهم رجعوا وبطاقتهم ما خلصت من بداية السفرة....

مواقف وايد تصير لي وياه..
يعني عادي يتكلم مع صديقاتي يتلاقى فيهم ويقولي لاقيت فلانه وسلمت عليك....بس ما اشك بغير شئ

واحيانا يسولف لي عن البنات اللي وياه بالكورس اللي يدرسه الحين.... وعن المدرسة ويقولي انه يعرف في التخصص اكثر منها وهي اصغر منه وتدرسهم..وكان يسولف لي عنها وايد وعن تعليقاتها عليه اذا حضر متاخر او ما قدم امتحان...ومرة لاقينا في المجمع واشر لي عليها يقولي شوفيها هذه مدرستي خخخ اصغر مني..اقوله مستانس بها يقولي ليش تغارين؟؟؟ اقوله يمكن اغار بس الحمدلله ما اشك

ومرة في فرنسا ..
انا بطبعي ما اصحى قبله هو يصحى مبكر..وقعد يسولف لي عن الفرنسية اللي تشتغل في الفندق ..وانه اذا نزل للفطور يبقى يسولف وياها ويقولي شنو سوالفهم..وبطبع زوجي مثل ما قلت لك يحب يسال ويعرف عن اي مكان نروحه...وما خطر ببالي ان ممكن قعدته وسوالفه معاها فيها شئ..ومرة قلت له صحيني بنزل وياك..ونزلت وياه وشفتها حرمه عمرها يمكن 50 سنه من السود...وتعرفت علي وصارت تسولف ويانا وورتنا صور بناتها اللي اكبر منا وصور احفادها...يعني ما اتصور لو اني شكيت به وياه لما عرفت منه ان يسولف وياها شنو بكون موقفي بعد ما تعرفت عليها....

وعلى طول يخبرني عن مغامرات اصحابه في الشغل وعن البنات اللي يتصلون فيهم وما جا ببالي ان ممكن يسوي مثلهم...


ومن فترة ضافته اختي وبنات صديقة اختي على الماسنجر وهو يقعد يمازحهم ومرة يمثل عليهم على انه شاب معجب طبعا انا وياه ويقولي شلون ابدل الصورة؟؟لانه ما يعرف للمسنجر.. وابقى وياه وهو يسولف وياهم وحتى لو انا مو وياه ما بفكر انه ممكن يقول لهم شئ غلط.......

لاني اعرف زوجي..هو بطبعه يحب يتكلم مع الكل ويحب يتعرف ويسال عن كل شئ...حتى وي امي لما يشوفها بلباس حلو يقولها عمتي اليوم مكنسله على اليسا....ممكن اغار؟؟

وبطبعي انا احب اشوف مسجاته والصور وحتى المكالمات....من باب الفضول بس...ما اذكر ان رفض اقرا مسج او زعل اني شفت المكالمات ولا انه يرن موبايله وما يرد وهو وياي...او انه يطلع حتى يتكلم...

حتى كم مرة يسالني يقولي انت ما تكين فيني؟؟اقوله اذا شكيت انت فيني انا بشك فيك...

بقول لكم موقف اخير وادري طولت عليكم...
تعرفنا على عايلة خليجية بالسفر...وزارونا الشباب البحرين..طبعا زوجي صار يطلع وياهم مجمعات قهاوي مطاعم.. 3 ايام كانت زيارتهم...وبمرة هو وياهم انا طلعت وي صديقتي اشتري لي موبايل لقيته في المجمع قاعد بروحه وشكله متضايق....اتصلت فيه اقوله انا اشوفك من بعيد وين ابو محمد وباقي الشباب انت بروحك عنهم؟؟كنت مستغربه ..قالي لا هم راحوا عندهم شغله وبرجعون..بس شكله متغير وما رجعت سالته... بعدها بكم شهر واحد منهم جا البحرين وصار له حادث وهو راجع بلاده واتصل لزوجي بعدد ما صار له الحادث يعني وهو طالع...استغربت لما قالي زوجي اقوله ليش يجي البحرين ولا يزورك ويتصلك لما صار له حادث وهو راجع بلاده؟؟؟
رد علي كلام غريب(( يمكن ما عجبتهم)) اقول ما فهمت يقولي(( تدرين لما شفتيني بالمجمع المفروض وياهم بس كنت بروحي وقتها...عرفت منهم انهم متفقين مع بنات على السينما وما حبيت ادخل وياهم وتضايقت منهم وهم حسوا اني ما بفيدهم في زياراتهم ومغامراتهم ويمكن الحين يجون وما يخبروني)) وعلى فكرة كلهم متزوجين..واعرف ازواجهم واستغربت من كلام زوجي ......وزادت ثقتي فيه....واقول في نفسي الحمدلله انك ما صرت مثل ما هم متوقعين


يمكن كثيرات يقرون هالكلمات ويقولون لي هذا غباء او استهبال..بس انا احكم قلبي وعقلي وهذا احساسي....زوجي اثق فيه ثقه عمياء.....ومستحيل اشك فيه لان كل تصرفاته واضحه لي....
ولان هذا احساسه اتجاه تصرفاتي..... ويمكن تكلمت وايد بس حبيت اوضح ان يمكن موقف واحدد يتفسر على الف محمل.... ليش ما جا ببالي انه لما كان مع ضيوفه ما تصرف مثلهم؟؟؟؟ والحمدلله اني صادف ولاقيته بالموقف اللي هو جالس بروحه حتى يؤكد لي ان احساسي صحيح لما يخبرني بحقيقه زيارتهم وموقفه هو منهم

انا غلطانه اني اثق بزوجي كل هالثقه بعد كل المواقف اللي ذكرته؟؟؟؟؟؟؟:)ما اظن

وهل هناك زوجات مثلي ؟؟؟؟؟ مطمنين من تصرفات ازواجهم لهذه الدرجه؟؟؟؟؟؟؟ اكيييييييييييييييد مو بس انا