السلام عليكم ورحمه الله وبركاته
كثير اسمع بنات تشكي من شكلها وانها غير جميله وغير مقبوله ومافيها شي جذاب
دايم نقرا هالشي في قسم الشكاوي او قسم حياه اسريه سعيده
تلاقين البنت ثقتها بنفسها صفر وتكتب الموضوع وهي بقمه انكسارها وضعفها وتنظر لنفسها نظره دونيه انا ليه ربي خلقني كذا انا ليه مافيني جمال انا مين يناظر لي انا مين يتزوجني انا شينت وانا وانا وانا !
انا ما الومها لان هي ثقتها بنفسها مهزوزه ودايم تقارن نفسها بغيرها!
يابنات لازم تعرفون ان مافي بنت شينه
اي نعم مافي بنت قبيحه
مافي بنت شكلها مو حلو
مافي بنت مو جذابه
مستحيييييل
خصوصا بزمنا هذا
تعرفون ليه؟ لان كثره عندنا مساحيق التجميل
وما اقصد يعني غرقي خشتك مكياج وغيري من نفسك 180 درجه! طبعا لا
اقصد الرتوش الخفيفه تعطي جماليه جدا عظيمه للبنت
البنت ربي خلقها لها تراكيب خاصه وفيها جاذبيه
يعني دايم اشبه البنت بالورده مهما كان شكل البنت ومهما كانت نعومتها والا دفاشتها
البنت تبقى ورده والورود اشكال الوان في عندك ورد الجوري وورد عباد الشمس ورد الياسمين ورد الكادي ورد الفل. كلها تختلف في شكلها لكن كلها تتفق في انها شيء يفتح النفس وانها شي جميل في هالحياه
الجمال شي نسبي ومانقدر نقول هذه اجمل ماخلق ربي لان بعد فتره بتشوفين وحده غيرها وتغيرين كلامك وهكذا
كل وحده فيها ميزه وفيها جاذبيه وتراكيب خاصه
مابقول كلام الكثير الجمال جمال الروح لا طبعا هذه مفروغين منها
انا لما قلكم حلوات انا صادقه في كلامي
لكن الحلا اللي فيك لازم تبرزينه وتعتنين فيه علشان مايخرب
يعني اللي تشوف مشكله في بشرتها تعالجها اللي تشوف مشكله في شعرها تعالجه
اللي تحس تحتاج تعديل في اسنانها تعدل واللي تحتاج انها تسمن او تنحف تشتغل ع نفسها
ابرزو مواطن الجمال فيكم
كل وحده تقابل المرايه وتشوف ايش احلا شي تحبه في نفسها .. وتشتغل عليه وتبرزه
يعني وحده مثلا ملامحها مو ذاك الزود لكن تحب ابتسامتها.. حلو اهتمي فيها كرسي وقتك علشان تبرزين جماليه اسنانك شفايفك
وحده ثانيه تحب في نفسها شعرها.. اهتمي فيه واعتني فيه خليه ملفت للانظار
وهكذا قيسو هالشي اهتمو وابرزو الاشياء اللي تحبونها فيكم.. تلقائيا تلاقون انفسكم سعداء
ولاتجيني وحده تقول ماحب في شكلي شي نهائيا لانو مستحيييييل مسسسستحيل لو ايش ماكان لابد فيك شي انتي غافله عنه
جسم شعر بشره اسنان ضحكه اسلوب نظرات عيون خشم اي شييييي اي شييي موجود فس جسسمك
وبالنسبه للمساحيق اللي اقول عليها فوق اقصد الرتوش الخفيفه
يعني اذا شفايفك شهبه ولونها غامق وش فيها لو حطيتي روج وردي خفيف؟ بيغير شكلك جدا جداويعطيك نعومه ولطافه
اذا رمشك قصير حطي مسكرا
اذا بشرتك ناشفه رطبيها
حطي اثر كحل في عيونك شوفي كيف تغير شكلك مررررا
اهتمي بوزنك وصحتك وشوفي كيف تتغير نفسيتك
انا لي فتره اتابع اجنبيات يسون رياضه واجسامهم مرسومه رسم والله جسمها معطيها شكل جميل رغم ان ملامحها عاديه بس سبحان الله تصير كذا كيوت وتجذب
فالجمال والله انتي اللي ترسمينه لنفسك وتبدعين فيه بلمساتك واهتمامك البسيط
ولاعاد اسمع وحده تقول انا شينه لان فعلا والله ماعاد اصدق نهائيا وحده تقول انها شينه
فكل بنت قابلتها بحياتي لما اركز فيها الاقي فيها شي يجذب وشي جميل بس ممكن ماتنتبه له ولا تبرزه
التفتوا لانفسكم وابحثو في خوافيكم عن سر جمالكم وحلاوتكم وابرزوه للعيان
وشكرا للاصغاء يا وردات 🌷
وبحب حالي بكل حالاتي وثقتي كتير عالية الحمد لله
دخلت الموضوع من باب الفضول والحشرية
موضوع جميل وعجبني كتير
ومعك حق أهم الشي الثقة بالنفس
وتسلمي عالموضوع