يا جماعه ويالي تتحسبين على المسكينه اللي صرخت يعني ما تعرفون شي اسمه فروق فرديه؟؟؟؟ مو كل الناس يتألمون بنفس الدرجة ولا كل الناس عندهم نفس درجة التحمل ولا كل الناس يعبرون عن ألمهم بنفس الطريقه .....

من جد لا تصيرون قاسيات بالطريقه هذي وتقولون دلع المرة يا ناس لما تولد تشوف الموت اذا احنا حريم وولدنا وعرفنا يعني ايش ولادة وألم ولادة ونقول دلع أجل الرجال وش يقولون عنا؟؟؟؟؟

الوحدة منكم اللي ربي انعم عليها بقدرة التحمل ورباطة الجأش وقت الولادة تحمد ربها وتشكره وما تضيع اجر صبرها بغيبة الحريم اللي ما يقدرون يتحملون زيها ..

وانا ما اتكلم من فراغ انا اتكلم من تجربة في ولادتي دخلوني كشك الولادة من 9 صباح الإثنين عشان الموية نزلت ما ولدت الا 9صباح الثلتاء يعني جلست في الكشك 24ساعة سمعت فيها صراخ 5 حريم ولدوا صراخ ما تتخيلونه لكن والله ما جا في بالي اني الومهم بالعكس رحمتهم وبكيت والله على وحده منهم كانت تقول شقوا بطني ما اقدر اتحمل ونسيت نفسي وصرت ادعيلهم والله بفضل الله ربي يسر ولادتي واعطاني القوة حتى الدكتورة بعد ما ولدت جات قالتلي انت من اكثر الحريم اللي ولدتهم تعاون مع الدكتورة وتحمل ووالله ما كانت قوة مني الا كنت احس اني ميته بس رب العلمين كان معايه له الحمد على ما اعطى وله الحمد على ما أخذ انتبهوا للسانكم يا بنات ودعوا الخلق للخالق..

ماشالله عليكي الله يعطيكي السلامة انتي بكلامك دا تسكتي صاحبة الموضوع

يمه خوفتوني والله اخاف لو احد يصرخ جنبي اكيد بتوتر


ياربي وش اسوي ؟؟؟؟ الله يهون على كل اللي معي بالغرفه ويهون علي يارب ولا اسمع صراخ

حملي الاول كنت بغرفه لوحدي وصارخت عند طلوع الراس بسسسسسسس

لكن الحين لا بكون مع مجموعه ياويلي


الله يهون علينا يارب

انا توني بكريه وما جربت الولاده لكن مو مستغربه من الي تصيح وتصارخ خاصه ان الالم يختلف من وحده لوحده والشخصيه بعد تختلف في حريم خوافات وفي حريم ماشاء الله اقوى
انا ما اقول ان الوحده لازم تصرخ بس اقول لازم التمس لها العذر وادعي لها مو عليها:44:

احمدي الله على العافيه صحيح ابي اتوتر لمن اسمعها تصيح بس انا عكسك ماراح ادعي عليها بالعكس بادعي لها
انه ربي يسهل عليها وقوة التحمل تختلف من وحدة لاخرى هذا وانتي حرمة ومجربة الولاده اجل مانلوم الرجال اذا تكلموا وقالوا ليه الصراخ؟ على الاقل هم ماقد جربوا لان هذه الفطرة
وجزاك الله خير الاختلاف في الراي لايفسد للود قضيــــــه*______^