مشكلتك مع ألقهوه هي بسبب مدة جلوسها على النار ماله دخل في نوع ألقهوه شوفي خلي المويه تغلي بعدين حطي فنجال ونصف قهوه خليها نصف ساعه على نار وسط طفي عنها وخليها تركد دقيقه بعدين حطي بالترمس ملعقتين صغيره هيل اذا تحبين الهيل طعمه مبين زيدي ملعقه او ثنتين وشوي زعفران ومسمار اذا تحبين المسمار صبي شوي قهوه وحركي الترمس بعدين خليه شوي بعدين صبي باقي ألقهوه عليها وتنتهي باخلا قهوه وتراني مااحب لا المبيض ولا خلطة القصيم ولا الحليب في ألقهوه احبها على أصولها اهم شي الهيل لاتطحنين كثير اطحني كل مره حق اسبوع عشان ما يفثل ويتغير طعمه

اما انا عاد قهوتي غير قهوه عربيه اصيله صح
لمن اشتري القهوه اطلبها بريه ومستويه يعني مهيب محمصه بزياده وحطي فالبريق فنجان قهوه مع ملعقة حليب سايل وخليها تغلي ربع ساعه وطفيها من النار وخليها شوي تركد وجيبي الترمس حطي فيه ملعقتين هيل وشوي عويدي وشوي زنجبيل ع راس الملعقه وسلامتك واتركي عنك المبيض والخرابيط الثانيه

اذا حطيتي زعفران لاتحطي صفار الزعفران وملعقتين مبيض على ترمس كثير بس نص الى ملعقة صفيرة حليب سايل مو لازم مبيض واذا طعم الهيل ما يطلع الهيل اطحني كمية حق كم يوم عشان ما يروح الطعم واذا تبغي طعم جديد حطي شوي نانخة ربع ملعقة صغيرة مع القهوة تنطبخ لا تقولي مو زيمة ما تحكمي الا بعد ما تذوقيها .