اللي تضبط المصابيب الحلوه تدخل

المصابيب عندنا اللي تكون مالحه نسويها بالدقيق البر الاسمر ونخليها فطور
ونحط عليها عسل او نمسحها بجبنه سايله
وطريقتي دقيق اسمر بر الكميه حسب عايلتك واحط ملح شوي واحط ماء لين تصير سايله بس مو خفيف مره اخف من قوام خليط الكيك شوي....وبعدين صبي الخليط بجك اسهل لمن تصبين بالصاج او استخدمي ملعقه الشوربه
تكونين مسخنه الصاج حار بالمره
بعدين قصري النار عالصاج وصبي الخليط دواير
هذي طريقتنا للمصابيب
واتوقع الطريقه تختلف من منطقه لاخرى










الحاليه ...نسميها بانكيك ....وهذي بالدقيق الابيض وتكون بالسكر ونحط عليها عسل او شوكلاه


طريقتي


كوبين دقيق ابيض
كوب حليب سايل وقابل للزياده
وشوي فانيلا
ورشة ملح


ملعقه ونص سكر
و 2 بيض ومعقتين زيت


يعني لكل كوب دقيق بيضه


وازني الحليب السايل مراعي لين تصير الخليط سايل وخليه خفيف
وبس حمي الصاج او تيفال وصبيه وبس

جزاك الله خير رمينيا وين باقي البنات

مدري وش الحاليه
حنا نسويها مالحه
ونقسمها شي نحليه بعسل وشي نحط عليه بصل
كاس دقيق بر
بيضه وحده
1 ملعقه حليب بودره كبيره
شوي ملح
ملعقه شاي بكنج بودر اقصد اصغر شي للسكر
حطيها مع بعض وصبي مويه لين تصير سايله
وبس صببي عالصااجه وحليها بعسل وفيه طريقه لتحليتها رهيبه نسويها
عسل خففيه شوي بمويه وحطي معه فلفل اسود وذوبي لك شوي زبده او سمنه وحطيها مع العسل والفلفل واخلطيهم زين وصبيها عالمصابيب لذاذه 😍

🍪 مصابيب 🍪
2بيض
2كوب ماء
كوب ونص دقيق بر
فنجال سكر
2فنجال حليب بودره
رشت ملح
ملعقه بكنج بودر
فنجال زيت زيتون
يخلط بالخلاط. تكون العجينه زي الشوربه
اذا كان كثير الدقيق زيدي الماء....






هذي جربتها اخذتها من الاستقرام
راح اجيب وحده ثانيه لك بس ترد علي قريبتي

🍪😁 مصابيب قريبتي 😁🍪
كاس ماء
كاس دقيق بر
فنجال قهوه زيت
فنجال قهوه سكر
ملعقه كبيره حليب بودرة
نص ملعقه كبيره وبكنج بودر
ملعقه صغيره هيل وتشخلينه عليه
وملعقه صغيره خميره فوريه
وبيضه
واذا تبين كمية اكثر ادبلي المقادير...
الجميع مع بعض بالمضرب الكهربائي وسويه بالمقلات بس