اللي تضبط رز الوليمة تقولي كيف تسوية

ياحبيلتس يمكن الرز جديد علشان كذا ينهرس شوفي تاريخه كل ما صار قديم صار طبخه وطعمه أحسن

وكانه قديم بعد ما تغسلينه لما ينظف خلي اخر غسله بما حار وبعدين نقعيه بماء عادي

ولما يستوي الدجاج خوذي المرق وصفيه وحطيه على الرز بس يالله يغطيه وحطي عليه قطع زبده وفلفل حار وبارد وليمون أسود وكم عود قرفه
ولما تنشف المويه قصري النار وقلبيه بملعقة خشب على شوي شوي ..لو إحتاج زيادة مرق زودي بس بالتدريج ..

ثم حطي عليه الكشنه اللي فوق وبالقصدير غطيه ..

وإن شاء الله يضبط معك ويبيض وجهك ويجيك كلمة شكر من أبو الشباب

عادي اطبخ الدجاج باي طريقه تحبينه ونقعي الرز تقريبن نصف ساعه ثم طلعي الدجاجه وحطي الرز ورفعي النارشوي بعدين قصري وخليه ربع ساعه المويه فوق مستوى الرز بواحد سنتي او اقل شوي وسلمتك

شوفي ياقلبي انا استخدم رز الوليمة من زمان وطريقتي فيه انقعه لمدة ربع ساعة في موية دافيه بعدين وقت الطبخ اقيس كل كاس رز يقابلها كاسين موية مغلي واحط زيت طبعا علشان يطلع مفلفل وسلامتك جربيه وادعي لي في غربتي

للرفع

بعد ماتغسلينه نقعيه في مويه عاديه اقل شي نص ساعه...
وخلي المويه قليله عليه وقت الطبخ وبس...
اليوم اللي اكون مستعجله ولاانقعه يكون فاااااااشل بكل معنى الكلمه....