اللي تضرب طفلها في مكان عام

للاسف يوم الأحد وقت صلاة العشاء في أحد المجمعات شفت وحدة تضرب بنتها طفلة صغيرة عمرها ما يتجاوز الثلاث سنوات او ثلاث سنوات ونصف بالكثير حتى بنية جسمها صغنونة بالبداية شفت ضربتها ضربة على راسها انصدمت بس قلت تصرف يمكن ندمت عليه الأم اكيد كان رد فعل لأن البنت ضربت أخوها طفل عمره تقريباً سنة أو أقل فالعربية لكن ارجعت المرأة تضربها ثانية وثالثة ورابعة وشكلها تتلفظ عليها البنت صارت تبكي وشكلها غشيانة وتقريباً مع الضربات ضربت بالقزاز حق المحل اللي جنبهم وبعدين انطلقت الأم تدف العربية والولد الصغير صار يضرب راسه يمين ويسار ولا حزام مربوط والبنت تصيح شفتها زرقاء وتلحق الأم تركض
منظر بشع كان فيه مجموعة لابأس فيها واقفين بالممر وخصوصاً البياعات عليهم كذا اسم المحل لكن الكل وقف مشلول من الصدمة أنا للآن بموت حسرة ما اعرف كيف ممكن كنت اتصرف غثتني الله يغثها وخفت اكلمها تدفني أو تضربني اذا سوت كذا بطفلة !!
اللي فاقع قلبي شكلها ولبسها ورزتها ما تقولين هذي انسانة همجية


للعلم أنا حامل وحملي بصعوبة ومهددة يعني اخاف اصلاً اروح مكان عام لو يدفني طفل يلعب لكن ودي اني متصرفة أي تصرف أي شي ما اوقف كذا متفرجة لو كنت مكاني كيف كان ممكن تتصرفين ؟؟